കുടിവെള്ളം ചോദിച്ച്‌ എത്തിയ ഇതര സംസ്ഥാനക്കാരന്‍ ഗൃഹനാഥനെ മുറിയില്‍ പൂട്ടിയിട്ട് പണം കവര്‍ന്നു

സ്വന്തം ലേഖിക

ആലപ്പുഴ: കുടിവെള്ളം ചോദിച്ച്‌ എത്തിയ ഇതര സംസ്ഥാനക്കാരന്‍ ഗൃഹനാഥനെ മുറിയില്‍ പൂട്ടിയിട്ട് പണം കവര്‍ന്നു.

മുഹമ്മ ലക്ഷ്മി സദനത്തില്‍ ബാലാനന്ദന്‍റെ വീട്ടിലാണ് സംഭവം നടന്നത്. വെളളം എടുക്കാന്‍ ബാലാനന്ദന്‍ അടുക്കളയിലേക്ക് പോയപ്പോള്‍ മോഷ്ടാവ് വീട്ടില്‍ കയറി പേഴ്‌സിലിരുന്ന 3500 രൂപ എടുത്തു.

ഇത് കണ്ട് മോഷ്ടാവിനെ പിടികൂടാന്‍ ശ്രമിച്ചെങ്കിലും ബാലാനന്ദനെ മുറിയില്‍ പൂട്ടിയ ശേഷം ഇയാള്‍ രക്ഷപെടുകയായിരുന്നു.