പാലക്കാട് മകനെ കഴുത്തറുത്ത് കൊലപ്പെടുത്തിയ ശേഷം പിതാവ് ജീവനൊടുക്കി

സ്വന്തം ലേഖിക

പാലക്കാട്: വിത്തനശ്ശേരിയില്‍ മകനെ കഴുത്തറുത്ത് കൊന്ന ശേഷം പിതാവ് ജീവനൊടുക്കി.

നടക്കാവ് സ്വദേശി ബാലകൃഷ്ണനാണ് (65) മകന്‍ മുകുന്ദനെ (39) കൊലപ്പെടുത്തിയ ശേഷം തൂങ്ങിമരിച്ചത്.
ഇന്ന് രാവിലെ പ്രദേശവാസികളാണ് ഇരുവരെയും മരിച്ചനിലയില്‍ കണ്ടെത്തിയത്.

ബാലകൃഷ്ണനും മകനും മാത്രമേ വീട്ടില്‍ ഉണ്ടായിരുന്നുള്ളു. മുകുന്ദന്‍ അവിവാഹിതനാണ്. കടുത്ത പ്രമേഹ രോഗിയായിരുന്ന മകനെ ബാലകൃഷ്ണനാണ് പരിചരിച്ചിരുന്നത്. ഇയാളുടെ ഭാര്യ വര്‍ഷങ്ങള്‍ക്ക് മുന്‍പ് മരിച്ചു.