ആശ്രയയിൽ ഡയാലിസിസ് കിറ്റ് വിതരണവും ചികിത്സാ ധനസഹായവും നൽകി

സ്വന്തം ലേഖിക

ഗാന്ധിനഗർ: ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എല്ലാ മാസവും നടത്തിവരുന്ന ഡയാലിസിസ് കിറ്റും, ധനസഹായവും എറണാകുളം കേന്ദ്രമായി പ്രവർത്തിക്കുന്ന ജീവൻ രക്ഷാ ചാരിറ്റി ആൻഡ് സർവീസ് സൊസൈറ്റിയും ആശ്രയയും ചേർന്ന് ഈ മാസം 121 വൃക്കരോഗികൾക്ക് നൽകി.

അശ്രയയുടെ സെക്രട്ടറി ഫാ.ജോൺ ഐപ്പ് അദ്ധ്യക്ഷത വഹിച്ച യോഗത്തിൽ കോട്ടയം മെഡിക്കൽ കോളജ് പ്രൻസിപ്പാൾ ഡോ.എസ് ശങ്കർ കിറ്റ് വിതരണ ഉദ്ഘാടനം ചെയ്തു.

ജീവൻ രക്ഷാ ചാരിറ്റി ആന്റ് സർവീസ് സൊസൈറ്റി പ്രസിഡൻ്റ് അഡ്വ. ജോർജ് ജോസഫ്, അരവിന്ദാക്ഷൻ നായർ, സിസ്റ്റർ. സ്ലോമോ, ഷുബി ജോൺ, ഷെറി ചെറിയാൻ, വിനോദ് എന്നിവർ ആശംസകൾ അർപ്പിച്ചു.