ക്ഷേത്രത്തിലേക്ക് ഭക്തർ കാണിക്കയായി സമർപ്പിച്ച പണം അടിച്ചുമാറ്റിയ വിമുക്ത ഭടനും മുണ്ടക്കയം പുലിക്കുന്ന് സ്വദേശിയുമായ കള്ളനെ പോലീസ് അറസ്റ്റ് ചെയ്തു

സ്വന്തം ലേഖിക

Link

Embed

Copy and paste this HTML code into your webpage to embed.

എരുമേലി: എരുമേലി പുലിക്കുന്ന് ഭാഗത്തുള്ള എസ്.എൻ.ഡി.പി ക്ഷേത്രത്തിൽ നിന്നും പണം മോഷ്ടിച്ച കേസിൽ ഒരാളെ പോലീസ് അറസ്റ്റ് ചെയ്തു.

എരുമേലി പുലിക്കുന്ന് ടോപ്പ് ഭാഗത്ത് കുളങ്ങരയത്ത് വീട്ടിൽ ഗോപി മകൻ ശ്രീനിവാസൻ (56) എന്നയാളെയാണ് മുണ്ടക്കയം പോലീസ് അറസ്റ്റ് ചെയ്തത്. ഇയാൾ കഴിഞ്ഞ ദിവസം ക്ഷേത്രത്തിലെ ഓട്ടുരുളിയിൽ നിന്നും ഭക്തർ കാണിക്കയായി സമർപ്പിച്ച 2500 രൂപ മോഷ്ടിച്ചു കൊണ്ടു പോവുകയായിരുന്നു.

പരാതിയെ തുടർന്ന് പോലീസ് കേസ് രജിസ്റ്റർ ചെയ്യുകയും ശാസ്ത്രീയമായ പരിശോധനയിലൂടെ ഇയാളെ പിടികൂടുകയുമായിരുന്നു. മുണ്ടക്കയം സ്റ്റേഷൻ എസ്എച്ച്. ഓ ഷൈൻ കുമാർ എ, എസ്.ഐ ബാബു സി.എസ്, സി.പി.ഓ മാരായ ജയചന്ദ്രൻ കെ.കെ, റഫീഖ്, വിനോദ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.