പുലിക്ക് പിന്നാലെ ചെന്നാപ്പാറയില്‍ ചെന്നായയും; പ്രദേശവാസികളും തൊഴിലാളികളും ആശങ്കയിൽ

സ്വന്തം ലേഖിക

മുണ്ടക്കയം ഈസ്റ്റ്: ടിആര്‍ ആന്‍ഡ് ടി എസ്റ്റേറ്റില്‍ പുലി ഭീതിക്ക് പിന്നാലെ ചെന്നായെ കണ്ടതായി തൊഴിലാളികള്‍.

ടാപ്പിംഗ് ജോലിക്കിടെ പുലിയുടേതിന് സാദൃശ്യമുള്ള ജീവിയെ കണ്ടതായി ചെന്നാപ്പാറ സ്വദേശിനിയായ മിനിയാണ് നാട്ടുകാരെ അറിയിച്ചത്. വനം വകുപ്പ് അധികൃതര്‍ ജീവിയുടെ രൂപം വിവരിപ്പിച്ചതോടെ ചെന്നായാണെന്ന നിഗമനത്തിലെത്തി.

കഴിഞ്ഞ ഫെബ്രുവരി മുതല്‍ പുലിപ്പേടിയിലാണ് പ്രദേശം. നേരത്തെ പശുക്കളെയും നായ്ക്കളെയും കടിച്ചു കീറി കൊലപ്പെടുത്തിയ നിലയിലും കണ്ടെത്തിയിരുന്നു. ഇതേതുടര്‍ന്ന് വനം വകുപ്പ് ഇവിടെ കൂട് സ്ഥാപിച്ചിട്ടും ഒരു മൃഗവും കുടുങ്ങിയില്ല. എ​ന്നാ​ല്‍, ശ​ബ​രി​മ​ല വ​നാ​തി​ര്‍​ത്തി​യു​ടെ ഭാ​ഗ​മാ​യ ഈ ​മേ​ഖ​ല​യി​ല്‍ ചെ​ന്നാ​യ​യു​ടെ സാ​ന്നി​ധ്യം ഇ​തു​വ​രെ റി​പ്പോ​ര്‍​ട്ട് ചെ​യ്തി​ട്ടി​ല്ല​ന്നും വ​നം വ​കു​പ്പ് അ​ധി​കൃ​ത​ര്‍ പ​റ​യു​ന്നു.

മൃ​ഗ​ങ്ങ​ളെ ആ​ക്ര​മി​ക്കു​ന്ന ജീ​വി ഇ​നി മ​നു​ഷ്യ​നെ​യും ആ​ക്ര​മി​ക്കു​മോ​യെ​ന്ന ആ​ശ​ങ്ക​യിലാണ് തൊ​ഴി​ലാ​ളി​ക​ള്‍​. വ​ള​ര്‍​ത്തു മൃ​ഗ​ങ്ങ​ളെ ആ​ക്ര​മി​ക്കു​ന്ന ജീ​വി ഏ​തെ​ന്ന് ക​ണ്ടെ​ത്തി നാ​ടി​ന്‍റെ ആ​ശ​ങ്ക അ​ക​റ്റാ​ന്‍ വ​നം വ​കു​പ്പ് ത​യാ​റാ​യി​ല്ലെ​ങ്കി​ല്‍ സ​മ​ര​രം​ഗ​ത്ത് ഇ​റ​ങ്ങാ​നാ​ണ് നാ​ട്ടു​കാ​രു​ടെ തീ​രു​മാ​നം.