കസ്റ്റംസിനെ വെട്ടിച്ച്‌ കടത്തിയ സ്വര്‍ണവുമായി രണ്ട് പേർ പൊലീസ് പിടിയിൽ

സ്വന്തം ലേഖിക

തൃശ്ശൂര്‍: കൊടുങ്ങല്ലൂരില്‍ ഒന്നരക്കിലോ സ്വര്‍ണം പിടികൂടി.

നെടുമ്പാശ്ശേരി വിമാനത്താവളം വഴി കടത്തിയ സ്വര്‍ണമാണ് കൊടുങ്ങല്ലൂരില്‍ വച്ച്‌ പൊലീസ് പിടികൂടിയത്.
സംഭവത്തില്‍ രണ്ടു പേരെ അറസ്റ്റ് ചെയ്തു.

മലപ്പുറം സ്വദേശി നിഷാജ്, അഴീക്കോട് സ്വദേശി സബീല്‍ എന്നിവരാണ് അറസ്റ്റിലായത്. സ്വര്‍ണം മലപ്പുറത്തേക്ക് കടത്തുകയായിരുന്നുവെന്ന് പൊലീസ് പറഞ്ഞു. സ്വര്‍ണം കടത്താന്‍ ശ്രമിച്ച കാറും പൊലീസ് കസ്റ്റഡിയില്‍ എടുത്തു.