സ്വന്തം ലേഖിക
കോഴിക്കോട്: സ്വപ്ന സുരേഷിന്റെ അഭിഭാഷകന് അഡ്വ. കൃഷ്ണരാജിനെ അറസ്റ്റ് ചെയ്താല് ആയിരം അഭിഭാഷകരെ ഇറക്കുമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്.
അവര് അനാഥായാകുമെന്ന് കരുതിയവര്ക്ക് തെറ്റിയെന്നും കെ സുരേന്ദ്രന് പറഞ്ഞു.
അഡ്വ. കൃഷ്ണരാജിനെതിരെ കള്ളക്കേസ്സെടുത്ത സര്ക്കാര് തീരുമാനം നിന്ദ്യവും നീചവുമായ പ്രതികാര നടപടിയാണെന്ന് കെ സുരേന്ദ്രന് ഇന്നലെ അഭിപ്രായപ്പെട്ടിരുന്നു.
Whatsapp Group 1 | Whatsapp Group 2 |Telegram Group
ഷാജ് കിരണ് എന്ന ഇടനിലക്കാരന് കൃഷ്ണരാജിനെ പൂട്ടുമെന്ന് പറയുന്ന ഓഡിയോ ക്ളിപ്പ് പുറത്തുവന്ന് ഇരുപത്തിനാലു മണിക്കൂറിനുള്ളില് അതു സംഭവിച്ചതോടുകൂടി കാര്യങ്ങള് എല്ലാവര്ക്കും ബോധ്യമായി. സ്വപ്നാ സുരേഷിന് നിയമപരമായി കോടതികളെ സമീപിക്കാനുള്ള അവകാശം ഇതുവഴി ഇല്ലാതാക്കാമെന്നായിരിക്കും സര്ക്കാര് കരുതുന്നത്.
അത് ഒരു പരിഷ്കൃത സമൂഹത്തിനും അംഗീകരിക്കാനാവുന്ന കാര്യമല്ല. കൊടും ഭീകരര്ക്കുപോലും കോടതികളില് വക്കീലിനെ വെച്ച് വാദിക്കാനുള്ള അവകാശമുള്ള നാടാണിത്. ഏതായാലും സത്യം പുറത്തുകൊണ്ടുവരാന് ശ്രമിക്കുന്ന ഏതൊരാള്ക്കും കേരളത്തില് അഭിഭാഷകരെ കിട്ടാതെ ബുദ്ധിമുട്ടേണ്ടി വരുമെന്ന് തോന്നുന്നില്ലെന്നും സുരേന്ദ്രന് പറഞ്ഞു.
