ദേശീയ പണിമുടക്കില് യാത്ര തടസ്സപ്പെട്ടു; സര്ക്കിള് ഇന്സ്പെക്ടറെ വിളിച്ചുവരുത്തി വിശദീകരണം തേടി മജിസ്ട്രേറ്റ്
സ്വന്തം ലേഖിക്ക
തിരുവനന്തപുരം: ദേശീയ പണിമുടക്കിൽ യാത്ര തടസ്സപ്പെട്ടതിനെ തുടര്ന്ന് മജിസ്ട്രേറ്റ് സര്ക്കിള് ഇന്സ്പെക്ടറെ വിളിച്ചുവരുത്തി വിശദീകരണം തേടി.
പേട്ടയില് വെച്ചാണ് വഞ്ചിയൂര് ഒന്നാം ക്ലാസ് മജിസ്ട്രേറ്റിന്റെ യാത്ര തടസ്സപ്പെട്ടത്. പേട്ട സ്റ്റേഷന് ഹൗസ് ഓഫീസറെ വിളിച്ചാണ് വിശദീകരണം തേടിയത്.
Whatsapp Group 1 | Whatsapp Group 2 |Telegram Group
അതേസമയം ബദല് മാര്ഗം ഒരുക്കിയതാണെന്ന് പൊലീസ് അറിയിച്ചു.
രണ്ട് ദിവസത്തെ പണിമുടക്ക് കേരളത്തില് പൂര്ണമാണ്. മോട്ടോര് വാഹന തൊഴിലാളികള്, ബാങ്ക്, റെയില്വേ, വൈദ്യുതി തുടങ്ങിയ മേഖലകളിലെ തൊഴിലാളികള് തുടങ്ങിയവര് പണിമുടക്കില് പങ്കെടുക്കുന്നു.
സര്ക്കാര് ജീവനക്കാരും പണിമുടക്കില് അണിചേര്ന്നതോടെ സര്ക്കാര് ഓഫീസുകളുടെ പ്രവര്ത്തനവും താളംതെറ്റി. ഇന്ധനവില വര്ധനവില് പ്രതിഷേധിച്ച് സ്വകാര്യ വാഹനങ്ങള് റോഡിലിറക്കരുതെന്ന് യൂണിയനുകള് ആഹ്വാനം ചെയ്തിട്ടുണ്ട്.
കട കമ്പോളങ്ങള് അടച്ചിടണമെന്ന് യൂണിയനുകള് ആവശ്യപ്പെട്ടിട്ടുണ്ടെങ്കിലും പണിമുടക്കിനോട് സഹകരിക്കില്ലെന്ന് വ്യാപാരി വ്യവസായി ഏകോപന സമിതി അറിയിച്ചിട്ടുണ്ട്. തുറക്കുന്ന കടകള്ക്ക് സംരക്ഷണം ആവശ്യപ്പെട്ട് വ്യാപാരികള് മുഖ്യമന്ത്രിക്ക് കത്ത് നല്കിയിട്ടുണ്ട്. എന്നാല് സംസ്ഥാനത്തുടനീളം കടകള് അടഞ്ഞുകിടക്കുകയാണ്.
ബാങ്ക് തൊഴിലാളി യൂണിയനുകളും പണിമുടക്കില് പങ്കെടുന്നതിനാല് ബാങ്കുകളുടെ പ്രവര്ത്തനവും തടസ്സപ്പെട്ടു. സഹകരണ മേഖലയിലെ ജീവനക്കാരും പണിമുടക്കില് പങ്കെടുക്കുന്നുണ്ട്. ഐഎന്ടിയുസി, എഐടിയുസി, എച്ച്എംഎസ്, സിഐടിയു, എഐയുടിയുസി, എസ്ഇഡബ്ല്യുഎ, എഐസിസിടിയു, എല്പിഎഫ്, യുടിയുസി തുടങ്ങിയ സംഘടനകള് സംയുക്തമായിട്ടാണ് പണിമുടക്കിന് ആഹ്വാനം ചെയ്തിരിക്കുന്നത്.