ലതാ മങ്കേഷ്കറുടെ ആരോഗ്യനിലയിൽ പുരോഗതി; വീട്ടിലേക്കു മടങ്ങാം
സ്വന്തം ലേഖകൻ
മുംബൈ:ആശുപത്രിയില് പ്രവേശിപ്പിച്ച ഗായിക ലതാ മങ്കേഷ്കറിന്റെ ആരോഗ്യനില തൃപ്തികരമാണെന്ന് അവരുടെ വക്താവ് അനുഷ ശ്രീനിവാസന് അയ്യര് അറിയിച്ചു.
കോവിഡിനെ തുടര്ന്ന് ജനുവരി ഒന്പതിനാണ് ലതാ മങ്കേഷ്കറിനെ മുംബൈയിലെ ബ്രീച്ച് കാന്ഡി ആശുപത്രിയില് പ്രവേശിപ്പിച്ചത്.
Whatsapp Group 1 | Whatsapp Group 2 |Telegram Group
ലതയുടെ ആരോഗ്യനില തൃപ്തികരമാണെന്നും ഡോക്ടര്മാരുടെ അനുമതി ലഭിച്ചാല് വീട്ടിലേക്ക് മടങ്ങുമെന്നും അവർ പറഞ്ഞു.
രണ്ട് ദിവസം മുന്പ് ലതാ മങ്കേഷ്കറിന്റെ ആരോഗ്യനില വഷളായെന്ന തരത്തില് വാര്ത്തകള് വന്നിരുന്നു.തെറ്റായ വാര്ത്തകള് നല്കുന്നത് പ്രയാസമുണ്ടാക്കുന്നുവെന്നും ലതാജി ഐസിയുവില് തുടരുകയാണെന്നും വേഗം നാട്ടിലേക്ക് മടങ്ങുന്നതിനായി എല്ലാവരും പ്രാര്ഥിക്കുകയെന്നും വക്താവ് പറഞ്ഞു.
ഇന്ത്യയുടെ വാനമ്പാടി എന്നറിയപ്പെടുന്ന ലതാ മങ്കേഷ്കര് തന്റെ പാട്ട് കരിയര് ആരംഭിക്കുന്നത് 13ാം വയസിലാണ്.ഇതിനകം വിവിധ ഭാഷകളിലായി 30,000ത്തിലധികം ഗാനങ്ങള് പാടിയിട്ടുണ്ട്