‘നീതി’നടപ്പാക്കാൻ നിറ തോക്കുകളുമായി തമിഴ്നാട് പൊലീസ്; എൻകൗണ്ടർ കൊലയിൽ ജയലളിതയുടെ വഴിയേ സ്റ്റാലിനും?

സ്വന്തം ലേഖകൻ

ചെന്നൈ: നിറതോക്കുകളുമായി നെഞ്ചുവിരിച്ച് ഗുണ്ടകളെ വെടിവച്ചു തീർത്തിരുന്ന ഒരു കാലമുണ്ടായിരുന്നു തമിഴ്നാട് പൊലീസിന്. ഭരണപക്ഷമായാലും പ്രതിപക്ഷമായാലും അധികം ചോദ്യങ്ങൾ ഉയർത്തിയിരുന്നില്ലന്ന്.

മുൻ മുഖ്യമന്ത്രി ജയലളിതയുടെ ഭരണകാലത്ത് തമിഴ്നാട്ടിൽ ഇൻസ്പെക്ടർ റാങ്കിലുള്ള എല്ലാ പൊലീസ് ഉദ്യോഗസ്ഥരും വീണ്ടും നിറതോക്കുമായി രംഗത്തിറങ്ങി. 

ഒരു പക്ഷേ, തമിഴകത്ത് ഏറ്റവും കൂടുതൽ എൻകൗണ്ടറുകൾ നടന്നതും ജയയുടെ കാലത്താകാം.

10 വർഷത്തെ ഇടവേളയ്ക്കു ശേഷം ഡിഎംകെ സർക്കാർ അധികാരത്തിലെത്തിയതിനു ശേഷം ഇതിനോടകം 2 എൻകൗണ്ടറുകൾ നടന്നു കഴിഞ്ഞു.

അതിലൊരെണ്ണം അഞ്ചു ദിവസം മുൻപായിരുന്നു. എന്നാൽ എൻകൗണ്ടറിൽ കൊല്ലപ്പെട്ടവർ കൊല്ലപ്പെടേണ്ടവരാണെന്ന നിലപാടിലാണു ഭൂരിഭാഗം ജനങ്ങളും.