സ്വന്തം ലേഖകൻ
ഗാന്ധിനഗർ: കോട്ടയം മെഡിക്കൽ കോളേജ് പ്രസവവാർഡിൽ നിന്നും തട്ടികൊണ്ടു പോയ നവജാത ശിശുവിനെ ഉടൻ കണ്ടെത്തി രക്ഷിതാക്കളെ ഏല്പിച്ച സംഭവത്തിൽ, പ്രവർത്തിച്ച ഗാന്ധിനഗർ പോലീസ് സ്റ്റേഷനിലെ പോലീസ് ഉദ്യോഗസ്ഥരെയും, പോലീസിനെ സഹായിച്ച വ്യക്തികളെയും, കേരള പോലീസ് അസോസിയേഷൻ ജില്ലാ കമ്മറ്റിയുടെ നേതൃത്വത്തിൽ ആദരിച്ചു.
തിങ്കളാഴ്ച്ച രാവിലെ 11ന് ഗാന്ധിനഗർ പോലീസ് സ്റ്റേഷനിൽ നടന്ന ചടങ്ങ് ജില്ല ഡnപ്യൂട്ടി പോലീസ് സൂപ്രണ്ട് ജെ സന്തോഷ് കുമാർ ഉദ്ഘാടനം ചെയ്തു.
Whatsapp Group 1 | Whatsapp Group 2 |Telegram Group
കെ പി എ ജില്ലാ പ്രസിഡൻ്റ് ബിനു കെ ഭാസ്കർ അദ്ധ്യക്ഷത വഹിച്ചു.
ജില്ലാ സെക്രട്ടറി കെ റ്റി അനസ്, ഗാന്ധിനഗർ എസ് എച്ച് ഒ കെ ഷിജി, സ്റ്റേറ്റ് എക്സിക്യൂട്ടീവ് അംഗം അജേഷ് കുമാർ, എസ്.ഐ റ്റി എസ് റെനീഷ് ,പ്രവീൺ പി നായർ എന്നിവർ സംസാരിച്ചു.
തുടർന്ന്, എസ് എച്ച് ഒ കെ ഷിജി, എസ് ഐ റെനീഷ്, എ എസ് ഐ അരവിന്ദ്കുമാർ, പ്രതിയെ പിടികൂടുവാൻ പോലിസിനെ സഹായിച്ച ടാക്സി ഡ്രൈവർ അലക്സ് സെബാസ്റ്റ്യൻ, ഹോട്ടൽ ഫ്ലോറൽ പാർക്കിൻ്റെ മാനേജർ സാബു സിറിയക്ക് പി റിസപ്ഷനിസ്റ്റ് എലിസബത്ത് നിമ്മി എന്നിവരെ ഡിവൈഎസ്പി ജെ സന്തോഷ് കുമാർ മെമൻ്റോ നൽകി ആദരിച്ചു.
പോലീസ് ഉദ്യോഗസ്ഥർക്കുള്ള മെമൻ്റോ, ഗാന്ധിനഗർ സ്റ്റേഷൻ്റെ പേരിൽ നൽകിയാണ് കേരള പോലീസ് അസോസിയേഷൻ ആദരിച്ചത്.
