play-sharp-fill
January 31, 2024

മുണ്ടക്കയം ചിറ്റടി കൈലാസത്തിൽ പാർവ്വതിക്ക് എംജി യൂണിവേഴ്സിറ്റി MSc Biotechnology പരീക്ഷയിൽ ഒന്നാം റാങ്ക്

മുണ്ടക്കയം : ചിറ്റടി കൈലാസത്തിൽ ഓമനക്കുട്ടൻ്റെ മകൾ പാർവ്വതി എംജി യൂണിവേഴ്സിറ്റി MSc Biotechnology പരീക്ഷയിൽ ഒന്നാം റാങ്ക് നേടി. 2022ൽ നടന്ന പരീക്ഷയിൽ റീ വാല്യുവേഷനിലൂടെയാണ് പാർവതിക്ക് ഒന്നാം റാങ്ക് ലഭിച്ചത്. പാർവ്വതിയുടെ പിതാവ് ഓമനക്കുട്ടൻ ജില്ലാ സ്പെഷ്യൽ ബ്രാഞ്ചിൽ സബ് ഇൻസ്പക്ടറാണ്. കുറിച്ചിത്താനം അമ്പാടിയിൽ വീട്ടിൽ സിന്ധുവാണ് മാതാവ്. സഹോദരി പവിത്ര BSc Nursing വിദ്യാർത്ഥി ( അമൃത , ഫാരിദാബാദ് )

1 sec read
January 31, 2024

‘ഹൈറിച്ച്‌’ തട്ടിയെടുത്തത് 3141 കോടിയുടെ നിക്ഷേപമെന്ന് പിണറായി സര്‍ക്കാര്‍; 19 കേസുകളില്‍ ഭാര്യയും ഭര്‍ത്താവും പ്രതികളെന്ന് ഇഡി; കേരളം കണ്ട ഏറ്റവും വലിയ സാമ്ബത്തിക തട്ടിപ്പെന്നും കേന്ദ്ര ഏജൻസി; മൂന്ന് മാസം കഴിഞ്ഞിട്ട് പ്രതികള്‍ സുരക്ഷിതര്‍; പൊലീസ് കവചമൊരുക്കുന്നെന്ന് അനില്‍ അക്കര

തൃശൂര്‍: സംസ്ഥാനം കണ്ട ഏറ്റവും വലിയ തട്ടിപ്പായ ഹൈറിച്ച്‌ സാമ്പത്തിക തട്ടിപ്പ് പുറത്തുവന്ന് മൂന്ന് മാസം കഴിഞ്ഞിട്ടും പ്രതികള്‍ സുരക്ഷിതര്‍. സംസ്ഥാന പൊലീസ് പ്രതികള്‍ക്ക് കവചമൊരുക്കുകയാണെന്ന ആരോപണവുമായി കോണ്‍ഗ്രസ് നേതാവ് അനില്‍ അക്കര രംഗത്തെത്തി. ബഡ്സ് ആക്‌ട് പ്രകാരം സ്വത്തുക്കള്‍ മരവിപ്പിച്ച ശേഷവും ഇടപാടുകള്‍ നടന്നെന്ന് നിക്ഷേപകര്‍ പറയുന്നു. മണിചെയിന്‍ മാതൃകയില്‍ സാമ്പത്തിക തട്ടിപ്പ് തുടങ്ങിയ ചേര്‍പ്പിലെ പ്രതാപനും ഭാര്യ ശ്രീനയും സഹായി ശരണ്‍ കടവത്തും ഒരു കോടി എണ്‍പത്തിമൂന്ന് ലക്ഷം ഐഡികളില്‍ നിന്നായി രണ്ടായിരം കോടിയിലേറെ തട്ടിയെന്നാണ് അന്വേഷണ ഏജന്‍സികളുടെ പ്രാഥമിക നിഗമനം. […]
January 31, 2024

ഷാൻ വധക്കേസില്‍ വിചാരണ വൈകുന്നു; സ്പെഷ്യല്‍ പ്രോസിക്യൂട്ടര്‍മാരുടെ പിന്‍മാറ്റത്തിന് പിന്നില്‍ ദുരൂഹതയുണ്ടെന്ന് കുടുംബം

ആലപ്പുഴ: ബിജെപി നേതാവ് അഡ്വ. രഞ്ജിത്ത് ശ്രീനിവാസൻ വധക്കേസില്‍ എല്ലാ പ്രതികള്‍ക്കും പരമാവധി ശിക്ഷയായ വധശിക്ഷ വിധിച്ച്‌ ചരിത്ര വിധിയായി മാറിയപ്പോള്‍ നീതി തേടി കാത്തിരിക്കുകയാണ് ഷാനിന്‍റെ കുടുംബം. രണ്‍ജിത് ശ്രീനിവാസൻ കൊല്ലപ്പെടുന്നതിന് തൊട്ടുതലേന്നാണ് എസ്ഡിപിഐ സംസ്ഥാന സെക്രട്ടറി വി എസ് ഷാൻ കൊല്ലപ്പെട്ടത്. ഷാനിന്‍റെ കൊല നടന്ന് 82 ദിവസത്തിനുള്ളില്‍ കുറ്റപത്രം നല്‍കിയിട്ടും കേസില്‍ ഇതുവരെ വിചാരണ തുടങ്ങിയിട്ടില്ല. കേസിന്‍റെ വിചാരണ അട്ടിമറിക്കാന്‍ ചില ശക്തികള്‍ ശ്രമിക്കുന്നതായി ഷാനിന്‍റെ മാതാപിതാക്കള്‍ പറഞ്ഞു. സ്പെഷ്യല്‍ പ്രോസിക്യൂട്ടര്‍മാരുടെ പിന്‍മാറ്റത്തിന് പിന്നില്‍ ദുരൂഹതയുണ്ടെന്നും കുടുംബം ആരോപിക്കുന്നു.
January 31, 2024

വിജയം കണ്ട് രക്ഷാപ്രവര്‍ത്തനം; കഞ്ചാവുകൃഷി നശിപ്പിക്കാന്‍ പോകുന്നതിനിടെ വനത്തില്‍ കുടുങ്ങിയ പോലീസ് സംഘം തിരിച്ചെത്തി

അഗളി: വഴിതെറ്റി അട്ടപ്പാടി വനത്തില്‍ കുടുങ്ങിയ പോലീസ് സംഘം തിരിച്ചെത്തി. കഞ്ചാവുകൃഷി നശിപ്പിക്കാന്‍ പോകുന്നതിനിടെയായിരുന്നു അഗളി ഡിവൈ.എസ്.പി.യുടെ നേതൃത്വത്തിലുള്ള 14 അംഗ സംഘം ഒരു രാത്രി മുഴുവൻ വനത്തില്‍ കുടുങ്ങിയത്. റെസ്‌ക്യൂ സംഘം ഇന്നലെ രാത്രി വനത്തിലെത്തുകയും ഇന്ന് പുലര്‍ച്ചെയോടെ ഇവരെ തിരിച്ചെത്തിക്കുകയും ചെയ്തു. ചൊവ്വാഴ്ച പുലർച്ച ഗൊട്ടിയാർകണ്ടിയില്‍നിന്നുമാണ് കഞ്ചാവ് തിരച്ചിലിനായി സംഘം കാട്ടിലേക്ക് പോയത്. ഭവാനിപ്പുഴയ്ക്കടുത്ത് മല്ലീശ്വരന്‍മുടിയോടനുബന്ധിച്ച്‌ കിടക്കുന്ന വിദൂര ഊരായ മുരുഗളയ്ക്കും ഗൊട്ടിയാര്‍കണ്ടിക്കുമിടയിലുള്ള നിബിഡ വനത്തിലാണ് സംഘം കുടുങ്ങിയത്. ഡിവൈ.എസ്.പി. എസ്. ജയകൃഷ്ണനുപുറമേ, ഏഴ് പോലീസുദ്യോഗസ്ഥരും വനംവകുപ്പിലെ അഞ്ച് ജീവനക്കാരുമാണ് സംഘത്തില്‍ […]
January 31, 2024

തിരുവല്ല റെയില്‍വേ സ്റ്റേഷന്‍ പരിസരത്തെ ഓട്ടോ ഡ്രൈവര്‍മാർ യാത്രക്കാരോട് അപമര്യാദയായി പെരുമാറുന്നുവെന്ന് പരാതി; വേഷം മാറിയെത്തി പത്തനംതിട്ട ആര്‍ടിഒയുടെ നേതൃത്വത്തിലുള്ള ഉദ്യോഗസ്ഥ സംഘം; ഒടുവിൽ ഡ്രൈവർമാർക്ക് പൂട്ട് വീണു

തിരുവല്ല: റെയില്‍വേ സ്റ്റേഷന്‍ പരിസരത്തെ ഓട്ടോറിക്ഷ ഡ്രൈവര്‍മാരില്‍ ചിലര്‍ യാത്രക്കാരോട് അപമര്യാദയായി പെരുമാറുന്നുവെന്ന പരാതികളില്‍ നേരിട്ട് ഇടപെട്ട് മോട്ടോര്‍ വാഹനവകുപ്പ്. പത്തനംതിട്ട ആര്‍ടിഒ എച്ച്‌. അന്‍സാരിയുടെ നേതൃത്വത്തിലുള്ള ഉദ്യോഗസ്ഥസംഘം വേഷം മാറിയെത്തിയാണ് പരാതികള്‍ സത്യമാണെന്നു ബോധ്യപ്പെട്ടത്. റെയില്‍വേ സ്‌റ്റേഷന്‍ പരിസരത്തെ ഓട്ടോറിക്ഷകള്‍ ചെറിയ ഓട്ടം പോകാന്‍ മടിക്കുന്നുവെന്നതായിരുന്നു പ്രധാന പരാതി. അമിതചാര്‍ജ് ഈടാക്കുന്നതായും പരാതികളുണ്ടായി. ഇതനുസരിച്ച്‌ യാത്രക്കാരെന്ന ഭാവത്തില്‍ ഓട്ടോറിക്ഷ പിടിക്കാനെത്തിയ ഉദ്യോഗസ്ഥരോട് ഡ്രൈവര്‍മാര്‍ ടൗണ്‍ വരെയുള്ള ഓട്ടത്തിനിടെ നിഷേധാത്മക നിലപാട് സ്വീകരിച്ചു. നഗരത്തിലെ മറ്റു പ്രദേശങ്ങളിലേക്ക് യാത്ര ചെയ്യാന്‍ കയറിയ ഉദ്യോഗസ്ഥരുമായി അധികദൂരം […]
January 31, 2024

പി സി ജോര്‍ജും മകൻ ഷോണും ബിജെപിയിലേക്ക്; കേന്ദ്ര നേതൃത്വവുമായി ചര്‍ച്ച തുടരും; പാര്‍ട്ടി അംഗത്വം ഇന്ന് തന്നെ സ്വീകരിക്കാൻ സാധ്യത

ന്യൂഡല്‍ഹി: പി സി ജോർജും മകൻ ഷോണ്‍ ജോർജ് ഉള്‍പ്പടെയുള്ള ജനപക്ഷം പാർട്ടി നേതാക്കളും ഇന്ന് ബിജെപി അംഗത്വം സ്വീകരിച്ചേക്കും. ബിജെപി അംഗത്വം സ്വീകരിക്കുന്നത് സംബന്ധിച്ച്‌ അന്തിമ തീരുമാനം ഇന്നെടുക്കും. പുതിയ സാഹചര്യത്തില്‍ പത്തനംതിട്ട ലോക്സഭ മണ്ഡലത്തില്‍ ജോര്‍ജ് ബിജെപി സ്ഥാനാര്‍ത്ഥിയായി എത്താനാണ് സാധ്യത. പാർട്ടി ആവശ്യപ്പെട്ടാല്‍ പത്തനംതിട്ടയില്‍ മത്സരിക്കുമെന്നും അദ്ദേഹം പറഞ്ഞിട്ടുണ്ട്. കേരളത്തില്‍ കെ സുരേന്ദ്രൻ നയിക്കുന്ന പദയാത്രയില്‍ അംഗത്വം സ്വീകരിക്കാനാണ് സാധ്യത. ബിജെപി നേതൃത്ത്വം വിളിപ്പിച്ചതിനുസരിച്ച്‌ ഇന്നലെ ഡല്‍ഹിയിലെത്തിയ പി സി ജോർജ് വിവിധ നേതാക്കളുമായി ചർച്ച നടത്തിയിരുന്നു. ഇന്നും ചർച്ചകള്‍ […]
January 31, 2024

കൊടുങ്ങല്ലൂർ ശ്രീനാരായണപുരത്ത് ഉത്സവത്തിനിടെ ആനയിടഞ്ഞു; പന്തല്‍ മറിച്ചിട്ടു, ചുറ്റുമതില്‍ തകര്‍ത്തു

തൃശൂർ/കൊല്ലം: കൊടുങ്ങല്ലൂർ ശ്രീനാരായണപുരത്ത് ഉത്സവത്തിനിടെ ആനയിടഞ്ഞു. കൊമ്പൻ പുത്തൂർ ഗജേന്ദ്രൻ ആണ് ഇടഞ്ഞത്.എഴുന്നള്ളിപ്പിന് ശേഷം ചമയങ്ങള്‍ അഴിക്കുമ്ബോഴാണ് വിരണ്ടത്. പടിഞ്ഞാറെ വെമ്ബല്ലൂർ കൂനിയാറ ശ്രീ അന്നപൂർണ്ണേശ്വരി ക്ഷേത്രത്തില്‍ രാത്രി ഏഴ് മണിയോടെ ക്ഷേത്രത്തിന് മുന്നിലെ ഉത്സവ പന്തല്‍ ആന കുത്തിമറിച്ചിട്ടു.         ഉടനെ പാപ്പാൻമാർ ക്ഷേത്രവളപ്പിലുള്ള മരത്തില്‍ തളച്ചു. കൊല്ലത്ത് ശക്തികുളങ്ങര ക്ഷേത്രത്തില്‍ ഉത്സവത്തിനിടെ ആന വിരണ്ടോടി.രാജശേഖരൻ എന്ന ആനയാണ് ഓടിയത്. അരക്കിലോമീറ്റർ ഓടിയ ആന വീടിന്റെ ചുറ്റുമതില്‍ ഇടിച്ചു തകർത്തു. ആനയെ പിന്നീട് തളച്ചു.  

1 sec read
January 31, 2024

കേരള പോലീസിന്‍റെ തൊപ്പിയിലെ പൊൻതൂവല്‍ ; രഞ്ജിത് ശ്രീനിവാസൻ വധക്കേസില്‍ 15 പ്രതികള്‍ക്കും കോടതി വധശിക്ഷ വിധിച്ചപ്പോള്‍ കേരള പോലീസിന് അത് അഭിമാന നിമിഷമായിരുന്നു.

  ആലപ്പുഴ : പിഴവുകളില്ലാത്ത അന്വേഷണത്തിലൂടെയും ശാസ്ത്രീയമായ തെളിവുശേഖരണത്തിലൂടെയും ആലപ്പുഴ പോലീസ് എല്ലാ അർഥത്തിലും മികവു കാട്ടി. വെള്ളക്കിണറിലുള്ള രഞ്ജിത്തിന്‍റെ വീട്ടിലേക്ക് പ്രതികള്‍ കൂട്ടമായി ഇരുചക്രവാഹനത്തില്‍ പോകുന്ന സിസിടിവി ദൃശ്യം കണ്ടെത്തിയാണ് പോലീസ് അന്വേഷണം ആരംഭിച്ചത്.         ദൃശ്യങ്ങളില്‍നിന്നു പ്രതികളെ തിരിച്ചറിയാൻ പോലീസിനായില്ലെങ്കിലും വാഹനങ്ങളുടെ നന്പർ ലഭിച്ചു. വാഹനനന്പർ കേന്ദ്രീകരിച്ച്‌ അന്വേഷണം ആരംഭിച്ചപ്പോള്‍ത്തന്നെ പോലീസിനു പ്രതികളെ ഏകദേശം തിച്ചറിയാനായി.സിസിടിവി ദൃശ്യം പുറത്തുവന്നതോടെ പ്രതികള്‍ മൊബൈല്‍ ഫോണുകള്‍ ഓഫ് ചെയ്ത് ഒളിവില്‍ പോകാൻ നിർബന്ധിതരായി. ഇതോടെ ഒളിവില്‍ പോയവരുടെ വിവിരങ്ങള്‍ പോലീസിന് […]

5 sec read
January 31, 2024

വാടകക്കെടുത്ത കെഎസ്‌ആര്‍ടിസി ബസില്‍ പഠനയാത്ര പോകവെ അപകടം; ഇടുക്കി പൈനാവ് കേന്ദ്രീയ വിദ്യാലയത്തിലെ ഒൻപതാം ക്ലാസ് വിദ്യാര്‍ഥിനി റോഡിലേക്ക് തെറിച്ച്‌ വീണ് പരിക്കേറ്റു‌

തൊടുപുഴ: പഠനയാത്ര പോയ വിദ്യാർഥി കെഎസ്‌ആർടിസി ബസില്‍ നിന്നു വീണ് പരിക്കേറ്റു. ഇടുക്കി പൈനാവ് കേന്ദ്രീയ വിദ്യാലയത്തിലെ ഒൻപതാം ക്ലാസ് വിദ്യാർഥിനി ദിയ ബിജുവിനാണ് പരിക്കേറ്റത്. സ്കൂളില്‍ നിന്ന് എറണാകുളം ഫിഷറീസ് ഇൻസ്റ്റിറ്റ്യൂട്ടിലേക്ക് കെഎസ്‌ആർടിസി ബസ് വാടകക്കെടുത്ത് പഠനയാത്ര പോയി തിരികെ മടങ്ങുമ്പോഴായിരുന്നു അപകടം. കീരിത്തോടിനു സമീപം പകുതിപ്പാലത്ത് വച്ചാണ് അപകടമുണ്ടായത്. വാതില്‍ തുറന്ന് റോഡിലേക്ക് തെറിച്ചു വീഴുകയായിരുന്നു. ഉടൻ സമീപത്തെ സ്വകാര്യ ആശുപത്രിയിലും അവിടെ നിന്നും ഇടുക്കി മെഡിക്കല്‍ കോളജിലുമെത്തിച്ചു. പരിക്ക് ഗുരുതരമല്ല. തലക്ക് വേദനയുണ്ടെന്ന് പറഞ്ഞതിനെ വിദഗ്ദ്ധ പരിശോധനക്കായി കോലഞ്ചേരി മെഡിക്കല്‍ […]
January 31, 2024

ഉത്സവത്തിനിടെ കൊടുങ്ങല്ലൂരിലും ശക്തികുളങ്ങരയിലും ആന വിരണ്ടോടി; പന്തല്‍ തകര്‍ത്തു; വരുത്തിയത് നിരവധി നാശനഷ്ടങ്ങള്‍

തൃശൂർ/കൊല്ലം: ക്ഷേത്രോത്സവത്തിനിടെ ആന വിരണ്ടോടി. കൊടുങ്ങല്ലൂര്‍ ശ്രീനാരായണപുരത്ത് ആണ് ആനയിടഞ്ഞത്. കൊമ്പൻ പുത്തൂർ ഗജേന്ദ്രൻ എന്ന ആന എഴുന്നള്ളിപ്പിന് ശേഷം ചമയങ്ങള്‍ അഴിക്കുമ്പോഴാണ് വിരണ്ടത്. പടിഞ്ഞാറെ വെമ്പല്ലൂര്‍ കൂനിയാറ ശ്രീ അന്നപൂര്‍ണ്ണേശ്വരി ക്ഷേത്രത്തില്‍ ആണ് സംഭവം നടന്നത്. ഉത്സവ പന്തല്‍ ആന തകർത്തു. ഒടുവില്‍ പാപ്പാൻമാർ ആണ് ക്ഷേത്രവളപ്പിലുള്ള മരത്തില്‍ ആനയെ തളച്ചത്. അതെ സമയം കൊല്ലത്ത് ശക്തികുളങ്ങര ക്ഷേത്രത്തില്‍ ഉത്സവത്തിനിടെ ആന വിരണ്ടോടി. രാജശേഖരൻ എന്ന ആനയാണ് ഓടിയത്. അരക്കിലോമീറ്റർ ഓടിയ ആന വീടിന്റെ ചുറ്റുമതില്‍ ഇടിച്ചു തകർത്തു. ആനയെ പിന്നീട് തളച്ചു.