കൊച്ചി : എറണാകുളം ചെറായി സ്വദേശിയായ യുവാവിനെ കപ്പലില് നിന്ന് കാണാതായെന്ന് പരാതി. ഞാറയ്ക്കല് സ്വദേശി 24കാരനായ ഷിന്റോണ് ബെന്നിനെയാണ് കാണാതായത്. സൗത്ത് ആഫ്രിക്കയില് നിന്ന് സിംഗപൂരിലേക്ക് പോയ കപ്പലില് നിന്നാണ് ഷിന്റോണ് ബെന്നിയെ കാണാതാവുന്നത്.
മുംബൈ എംഒഎൽ കമ്പനിയിലെ ഡെക്ക് ഓഫീസര് ട്രെയിനിയാണ് ഷിന്റോണ്. ബുധനാഴ്ച രാത്രി 8.15ഓടെ ഷിന്റോണ് സഹോദരനെ ഫോണില് വിളിച്ച് സംസാരിച്ചിരുന്നു. ശേഷം ഇന്നലെയാണ് ഷിന്റോണിനെ കാണാനില്ലെന്ന് കമ്പനിയില് നിന്നും വിവരം ലഭിച്ചത്.
ടാര് കാരിയര് ഷിപ്പിലായിരുന്നു ഷിന്റോണിന്റെ ജോലി. ഷിന്റോണിനെ കണ്ടെത്താനായി സര്ക്കാര് തലത്തിലുള്ള ഇടപെടല് വേണമെന്നാണ് ബന്ധുക്കൾ ആവശ്യമുന്നയിക്കുന്നത്.
