വയനാട്: പുൽപ്പള്ളി കബനി നദിയിൽ കാണാതായ മധ്യവയസ്കന്റെ മൃതദേഹം കണ്ടെത്തി. പുൽപ്പള്ളി വെട്ടത്തൂർ ഊരിലെ ചന്ദ്രനാണ് മരിച്ചത്.
കഴിഞ്ഞ ഞായറാഴ്ച ചങ്ങാടത്തിൽ പുഴ കടക്കുന്നതിനിടെ ചങ്ങാടം മറിഞ്ഞാണ് അപകടമുണ്ടായത്. തുടർന്ന് ചന്ദ്രനെ കാണാതാവുകയായിരുന്നു.
നാലാം ദിവസമാണ് വെട്ടത്തൂർ പമ്പ് ഹൗസിന് സമീപത്തുനിന്ന് മൃതദേഹം കണ്ടെത്തിയത്. ഫയർഫോഴ്സും എൻഡിആർഎഫും സംയുക്തമായി നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്.
