തിരുവനന്തപുരം: ഉന്നതവിദ്യാഭ്യാസ രംഗവും തൊഴില്‍ മേഖലയും കാലാനുസൃതമായി മാറണമെന്നും ലോകത്തിനൊപ്പം കേരളവും മുന്നേറണമെന്നും മുഖ്യമന്ത്രി വി ഡി സതീശൻ.
പുതിയ കോഴ്‌സുകള്‍ കൂടുതല്‍ തൊഴിലവസരങ്ങള്‍ സൃഷ്ടിക്കണമെന്നാണ് സർക്കാർ ആഗ്രഹിക്കുന്നത്.ടൈപ്പ് വണ്‍ പ്രമേഹം കൃത്യമായ ചികിത്സയിലൂടെ നിയന്ത്രിച്ചു നിർത്താൻ കഴിയുമെന്ന ബോധ്യം സമൂഹത്തില്‍ ഉണ്ടാക്കാൻ സാധിച്ചിട്ടുണ്ട്. ഈ രോഗികള്‍ക്ക് ആവശ്യമായ അനലോഗ് ഇൻസുലിൻ ലഭ്യമാക്കാൻ സർക്കാർ പ്രതിജ്ഞാബദ്ധമാണ്. തദ്ദേശീയമായി ഇൻസുലിൻ പമ്പുകള്‍ നിർമ്മിക്കുന്നതിനുള്ള നടപടികള്‍ പുരോഗമിക്കുകയാണെന്നും മുഖ്യമന്ത്രി വ്യക്തമാക്കി.രോഗങ്ങള്‍ നേരത്തെ കണ്ടെത്തി ചികിത്സ ഉറപ്പാക്കാനുള്ള വലിയ പദ്ധതിയാണ് സർക്കാർ ആസൂത്രണം ചെയ്യുന്നത്. സ്വകാര്യ പങ്കാളിത്തത്തോടെയുള്ള ചികിത്സാ രീതികളും ഗൗരവമായി പരിഗണനയിലുണ്ട്.
മെഡിക്കല്‍ ഇൻഷുറൻസ് കമ്പനികളുടെ ചൂഷണത്തിനെതിരെയും അദ്ദേഹം മുന്നറിയിപ്പ് നല്‍കി. ഒരു കാരണവുമില്ലാതെ ചികിത്സാ തുകയുടെ 40 ശതമാനത്തോളം വെട്ടിക്കുറയ്ക്കുന്നു എന്ന വലിയ പരാതികള്‍ ഉയർന്നുവരുന്നുണ്ട്. പാവപ്പെട്ടവരെ ചൂഷണം ചെയ്യാൻ ആരെയും അനുവദിക്കില്ല. ഇൻഷുറൻസിന് പകരം 'അഷ്വറൻസ്' നല്‍കാനാണ് സർക്കാർ ലക്ഷ്യമിടുന്നത്. ടൈപ്പ് വണ്‍ പ്രമേഹ രോഗികള്‍ക്ക് വൈകാതെ തന്നെ ഈ അഷ്വറൻസ് ഉറപ്പാക്കുമെന്നും മുഖ്യമന്ത്രി കൂട്ടിച്ചേർത്തു.
