ആലപ്പുഴ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മരുമകനും വ്യവസായിയുമായ മൈക്കൽ ബൂലോസ് ആലപ്പുഴയിൽ. എട്ടംഗ സംഘത്തോടൊപ്പമാണ് സ്വകാര്യ സന്ദർശനത്തിനായി അദ്ദേഹം എത്തിയത്.
ചാർട്ടേഡ് വിമാനത്തിൽ രാവിലെ കൊച്ചിയിലെത്തിയ ശേഷമാണ് സംഘം ആലപ്പുഴയിലെത്തിയത്. അമേരിക്കൻ കോൺസുലേറ്റിലെ ഉദ്യോഗസ്ഥരും സംഘത്തെ അനുഗമിച്ചു. ഹൗസ്ബോട്ട് സവാരിയിലൂടെ ആലപ്പുഴയുടെ കായൽ സൗന്ദര്യം ആസ്വദിച്ച സംഘം പ്രമുഖ ടൂറിസം കേന്ദ്രങ്ങളും സന്ദർശിക്കും.
വൈകുന്നേരം നെഹ്റു ട്രോഫി വള്ളംകളിക്കായി ഒരുക്കുന്ന ചുണ്ടൻ വള്ളങ്ങളുടെ പരിശീലന തുഴച്ചിലും സംഘം കാണുമെന്നാണ് വിവരം.
ട്രംപിന്റെ മകൾ ടിഫാനി ട്രംപിന്റെ ജീവിതപങ്കാളിയാണ് മൈക്കൽ ബൂലോസ്. കൊച്ചിയിൽ മുഖ്യമന്ത്രി വി.ഡി. സതീശനുമായി കൂടിക്കാഴ്ച നടത്തിയതായും വിവരമുണ്ട്.
സുരക്ഷാ കാരണങ്ങളാൽ സന്ദർശന വിവരം നേരത്തെ പുറത്തുവിട്ടിരുന്നില്ലെന്നാണ് വിവരം. വൈകുന്നേരത്തോടെ മൈക്കൽ ബൂലോസ് ആലപ്പുഴയിൽ നിന്ന് മടങ്ങും.
