തൃശ്ശൂര്‍: നാട്ടികയില്‍ ടോള്‍ പിരിവ് പുനരാരംഭിച്ചത് ചീഫ് സെക്രട്ടറി ദേശീയപാത അതോറിറ്റിക്ക് നിർദ്ദേശം നല്‍കിയതിന് പിന്നാലെയെന്ന് വിവരം.
പൊതുമരാമത്ത് വകുപ്പ് മന്ത്രിയുടെ നിർദേശം മറികടന്നാണ് ചീഫ് സെക്രട്ടറിയുടെ നടപടി. വിഷയത്തില്‍ മന്ത്രി പി കെ ബഷീർ മുഖ്യമന്ത്രിയെ അതൃപ്തി അറിയിച്ചു.
കഴിഞ്ഞ വ്യാഴാഴ്ചയാണ് ദേശീയപാത 66ല്‍ നാട്ടിക ടോള്‍ പ്ലാസയില്‍ ദേശീയപാത അതോറിറ്റി ടോള്‍ പിരിവ് ആരംഭിച്ചത്. പ്രതിഷേധങ്ങള്‍ക്ക് പിന്നാലെ ടോള്‍ പിരിവ് താല്‍ക്കാലികമായി നിർത്തിവയ്ക്കാൻ പൊതുമരാമത്ത് വകുപ്പ് മന്ത്രി എൻ.എച്ച്‌.എ.ഐക്ക് നിർദ്ദേശം നല്‍കി. പക്ഷേ മുന്നറിയിപ്പില്ലാതെ ശനിയാഴ്ച ടോള്‍ പിരിവ് വീണ്ടും ആരംഭിച്ചു. പ്രതിഷേധങ്ങള്‍ക്ക് പിന്നാലെ നിർത്തിവെച്ച ടോല്‍ പിരിവ് ഇന്നലെ രാവിലെ 10 മണിയോടെ വീണ്ടും തുടങ്ങി.
ടോള്‍ പിരിവ് താല്‍ക്കാലികമായി നിർത്തിവയ്ക്കണമെന്ന് പൊതുമരാമത്ത് വകുപ്പ് മന്ത്രി പി കെ ബഷീർ തൃശ്ശൂർ ജില്ലാ കളക്ടറെ അറിയിച്ചിരുന്നു. പ്രാദേശിക നേതാക്കളുമായി ചർച്ചചെയ്ത് തീരുമാനമെടുക്കാനും നിർദ്ദേശം നല്‍കിയിരുന്നു. എന്നാല്‍ ഈ ഉത്തരവ് മറികടന്ന് ടോള്‍ പിരിക്കാൻ ചീഫ് സെക്രട്ടറി ദേശീയപാത അതോറിറ്റിക്ക് അനുമതി നല്‍കി എന്നാണ് വിവരം. ചീഫ് സെക്രട്ടറിയുടെ നടപടിയില്‍ മന്ത്രി പി കെ ബഷീർ മുഖ്യമന്ത്രിയെ കടുത്ത അതിർത്തി അറിയിച്ചിട്ടുണ്ട്.
ദേശീയപാതയുടെ നിർമ്മാണം പൂർത്തിയാകാതെ ടോള്‍ പിരിക്കരുതെന്ന ആവശ്യമായി എല്‍ഡിഎഫും യുഡിഎഫും ടോള്‍ പ്ലാസയിലേക്ക് നടത്തിയ മാർച്ച്‌ സംഘർഷത്തില്‍ കലാശിച്ചു. എല്‍ഡിഎഫ് പ്രവർത്തകർക്ക് നേരെ പൊലീസ് ലാത്തി വീശി. ദേശീയപാതയില്‍ കുത്തിയിരുന്ന് പ്രതിഷേധിച്ച യുഡിഎഫ് പ്രവർത്തകരെ പൊലീസ് അറസ്റ്റ് ചെയ്തും നീക്കി. ട്രോള്‍ പിരിവ് തുടർന്നാല്‍ വരുംദിവസങ്ങളിലും പ്രതിഷേധം കടുപ്പിക്കാനാണ് രാഷ്ട്രീയ പാർട്ടികളുടെ തീരുമാനം.
