തിരുവനന്തപുരം: വർക്കലയ്ക്ക് സമീപം ഇടവ മാന്തറ കടലോരത്ത് മാലിന്യം നിക്ഷേപിച്ച സംഭവത്തില് രണ്ടുപേർക്കെതിരെ കർശന നടപടി.
കെട്ടിട നിർമ്മാണത്തിന്റെ അവശിഷ്ട മാലിന്യങ്ങള് ആണ് വാഹനത്തില് കൊണ്ട് വന്ന് കടലില് തള്ളിയത്. മാലിന്യം നിക്ഷേപിക്കുന്നതിന്റെ വീഡിയോ സോഷ്യല് മീഡിയകളില് വ്യാപകമായി പ്രചരിച്ചതിന് പിന്നാലെയാണ് പഞ്ചായത്ത് അധികൃതർ ഇടപെട്ട് നടപടി സ്വീകരിച്ചത്.
മാലിന്യം നിക്ഷേപിക്കാൻ ഉപയോഗിച്ച വാഹനവും ഡ്രൈവറെയും അധികൃതർ വഴിയില് വെച്ച് പിടികൂടുകയായിരുന്നു. ഇടവ സ്വദേശി അനീഷിനെയാണ് വാഹനത്തോട് കൂടി അധികൃതർ പിടികൂടി പൊലീസില് ഏല്പ്പിച്ചത്. അനീഷിന് 50000 രൂപ പിഴ ചുമത്തി. തുടർനടപടികള് വരും ദിവസങ്ങളില് സ്വീകരിക്കുമെന്ന് അധികൃതർ അറിയിച്ചു. ഇടവയിലും പരിസരങ്ങളിലും മാലിന്യ നിക്ഷേപം പതിവാണെന്ന് നാട്ടുകാർ പറയുന്നു.
