തിരുവനന്തപുരം: അണ്ടൂർക്കോണം പ്രാഥമിക ആരോഗ്യ കേന്ദ്രത്തില്‍ ഓട്ടിസം ബാധിച്ച യുവാവിന് മരുന്ന് മാറി നല്‍കിയ സംഭവത്തില്‍ ഫാർമസിസ്റ്റിന് സസ്പെൻഷൻ.
അണ്ടൂർക്കോണം പ്രാഥമികാരോഗ്യ കേന്ദ്രത്തിലെ ഫാർമസിസ്റ്റ് ഷിജിലയെയാണ് സസ്പെൻഡ് ചെയ്തത്.
മരുന്നു മാറിയതിനെ തുടർന്ന് ഗുരുതരാവസ്ഥയില്‍ ആയ യുവാവ് ഇപ്പോഴും ഐസിയുവില്‍ ചികിത്സയിലാണ്. യുവാവിന്‍റെ ആരോഗ്യനിലയില്‍ മാറ്റമില്ലെന്ന് തിരുവനന്തപുരം മെഡിക്കല്‍ കോളെജ് അധികൃതർ അറിയിച്ചു.
സംഭവത്തില്‍ യുവാവിന്‍റെ കുടുംബത്തിന്‍റെ പരാതിയില്‍ പോത്തൻകോട് പൊലീസ് ഷിജിലേക്കെതിരേ കേസെടുത്തിരുന്നു. ഇതിനു പിന്നാലെയാണ് ആരോഗ്യ വകുപ്പിന്‍റെ നടപടി.
