തി രുവനന്തപുരം: വിയ്യൂർ ജയിലില് വെച്ച് സത്യപ്രതിജ്ഞ ചെയ്ത് കാപ്പ് കേസിൽ തടവിലുള്ള തിരുവനന്തപുരം കോർപ്പറേഷൻ ബിജെപി കൗണ്സിലർ ആർ സുഗതൻ. രാവിലെ 11 മണിയോടെ ജയില് സൂപ്രണ്ടിന്റെ മുറിയില് വെച്ചായിരുന്നു സത്യപ്രതിജ്ഞ ചടങ്ങ്. സംസ്ഥാനത്ത് തന്നെ ഇതാദ്യമായിട്ടാണ് ഇങ്ങനെ ഒരു സത്യപ്രതിജ്ഞ നടക്കുന്നത്.
ഹൈക്കോടതിയുടെ അനുമതിയോടെയായിരുന്നു ജയിലില് വെച്ചുള്ള സത്യപ്രതിജ്ഞ. മേയർ വി വി രാജേഷാണ് സുഗതന് സത്യവാചകം ചൊല്ലിക്കൊടുത്തത്. ജനാധിപത്യത്തെ സംരക്ഷിക്കുകയെന്നത് കോടതിയുടെ കടമയാണെന്ന് കോടതി ഇന്നലെ വ്യക്തമാക്കിയിരുന്നു. ജനാധിപത്യത്തില് ജനകീയ കല്പ്പന മാനിക്കപ്പെടണമെന്നാണ് ഹൈക്കോടതി പറഞ്ഞത്.
അസാധാരണ സാഹചര്യങ്ങളില് അസാധാരണ തീരുമാനം കോടതിയ്ക്കെടുക്കാം. ജനവിധി മാനിക്കാനാണ് അത്തരം അസാധാരണ തീരുമാനമെന്നും ഉത്തരവില് പറയുന്നു. കേരള രാഷ്ട്രീയത്തിന്റെ ചരിത്രത്തില് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്. ചട്ടവിരുദ്ധമായി പല ദൈവങ്ങളുടെ പേരില് പ്രതിജ്ഞ ചെയ്തതിന് ഹൈക്കോടതി സത്യപ്രതിജ്ഞ അസാധുവാക്കിയവരില് ഒരാളാണ് വാർഡ് 20 ലെ കൗണ്സിലറായ സുഗതൻ. കഴിഞ്ഞ ജൂണ് 9 മുതല് കാപ്പ ചുമതി നാടുകടത്തപ്പെട്ട ആ സുഗതൻ നിലവില് വിയ്യൂർ സെൻട്രല് ജയിലിലാണ്.
