ഡൽഹി: സോണിയ ഗാന്ധിയുടെ പുസ്തകം 'ബിലോങ്ങിങ്: എ ജേണി ഓഫ് ലൗ' പഞ്ചാബില്‍ കോണ്‍ഗ്രസിനെതിരെ ആയുധമാക്കി ബിജെപിയും ആം ആദ്മി പാർട്ടിയും.
1984ലെ സിഖ് കൂട്ടക്കൊലയെക്കുറിച്ച്‌ സോണിയ ഗാന്ധിയുടെ വാദങ്ങള്‍ കളവാണെന്നാണ് ബിജെപിയും ആം ആദ്മി പാർട്ടിയും ആരോപിക്കുന്നത്. കലാപം തുടങ്ങിയപ്പോള്‍ രാജീവ് ഗാന്ധി ഡൽഹിയില്‍ സേനയെ വിന്യസിക്കാൻ ഉത്തരവ് നല്‍കിയെന്ന വാദം സിഖ് ആക്ടിവിസ്റ്റുകളും തള്ളി.
കലാപത്തെക്കുറിച്ച്‌ അന്വേഷിച്ച കമ്മീഷനുകള്‍ സേനയെ വിന്യസിക്കാത്തതിന് സർക്കാരിനെ വിമർശിച്ചിരുന്നു എന്ന് അഭിഭാഷകൻ എച്ച്‌ എസ് ഫൂല്‍ക്ക പറയുന്നു.
ഇന്ദിരാഗാന്ധി ഓപ്പറേഷൻ ബ്ലൂ സ്റ്റാറിനെക്കുറിച്ച്‌ പ്രകടിപ്പിക്കാത്ത പശ്ചാത്താപം സോണിയ എങ്ങനെ ഇപ്പോള്‍ എഴുതിയതെങ്ങനെയെന്ന് ആം ആദ്മി പാർട്ടി ചോദിക്കുന്നു. സോണിയ ഗാന്ധിയുടെ പുസ്തകം മുസ്ലിം വോട്ട് ബാങ്കില്‍ കേന്ദ്രീകരിക്കുന്നത് മാത്രമെന്ന് ബിജെപിയും ആരോപിക്കുന്നു.
മേനക ഗാന്ധിയുമായി കടുത്ത ഭിന്നത ഉണ്ടായിരുന്നുവെന്ന് സോണിയാ ഗാന്ധി തന്‍റെ പുസ്തകത്തില്‍ തുറന്നെഴുതിയിരുന്നു.
കുടുംബത്തില്‍ സമാധാനം നിലനിർത്താൻ ആദ്യമൊക്കെ മേനകയുടെ വഴക്കുകള്‍ അവഗണിച്ചു, എന്നാല്‍ പിന്നീട് താനും മറുപടി നല്‍കിത്തുടങ്ങിയെന്നും സോണിയ ഗാന്ധി 'ബിലോങ്ങിങ്: എ ജേണി ഓഫ് ലൗ' എന്ന പുസ്തകത്തില്‍ പറയുന്നു.
