കൊച്ചി: ഗ്യാനേഷ് കുമാറിനെതിരായ വിജിലൻസ് അന്വേഷണം എങ്ങനെ വേണമെന്ന് തീരുമാനിക്കേണ്ടത് താനല്ലെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല.
അന്വേഷണം എങ്ങനെ വേണമെന്ന് വിജിലൻസ് ഡയറക്ടറും ഉദ്യോഗസ്ഥരും തീരുമാനിക്കുമെന്നും ആഭ്യന്തര മന്ത്രി വ്യക്തമാക്കി. 20 വർഷത്തിന് ശേഷം അന്വേഷണം നടത്തുന്നതില്‍ തെറ്റില്ല. ക്രൈം വില്‍ നെവർ ഡൈ എന്നും രമേഷ് ചെന്നിത്തല കൂട്ടിച്ചേർത്തു. ലക്ഷ്മണ കേസ് അതിന് ഉദാഹരണമാണെന്നും രമേശ് ചെന്നിത്തല വ്യക്തമാക്കി. ഗ്യാനേഷ് കുമാറിനെതിരെ നടക്കുന്നത് ചരിത്ര സമരമാണെന്നും രമേശ് ചെന്നിത്തല പറഞ്ഞു. ജനങ്ങള്‍ സമരത്തിന് പിന്തുണ പ്രഖ്യാപിക്കുകയാണെന്നും രമേശ് ചെന്നിത്തല ചൂണ്ടിക്കാണിച്ചു.
കളമശ്ശേരി കൂട്ട ബലാല്‍സംഗ കേസില്‍ ശക്തമായ നടപടി ഉണ്ടാകുമെന്നും രമേശ് ചെന്നിത്തല വ്യക്തമാക്കി. ഡിജിപിക്ക് നിർദ്ദേശം നല്‍കി. സ്പാകളുടെ മറവിലുള്ള തട്ടിപ്പുകളും അതിക്രമങ്ങളും തടയുമെന്നും ആഭ്യന്തരമന്ത്രി വ്യക്തമാക്കി. ഏറ്റവും കൂടുതല്‍ സംഭവങ്ങള്‍ എറണാകുളം ജില്ലയിലാണെന്നും ശക്തമായ പോലീസ് നടപടി ഉണ്ടാകുമെന്നും മന്ത്രി പറഞ്ഞു. സെക്സ് റാക്കറ്റ് പ്രവർത്തിക്കുന്നുവെന്ന് പരാതിയുണ്ടെന്നും രമേശ് ചെന്നിത്തല ചൂണ്ടിക്കാണിച്ചു. രാഹുല്‍ മാങ്കൂട്ടത്തിലിനെ വിമർശിച്ചവർക്കെതിരെ കേസ് എടുത്തതിനെ കുറിച്ചറിയില്ലെന്നും ആഭ്യന്തര മന്ത്രി വ്യക്തമാക്കി. യുഡിഎഫില്‍ കൂടിയാലോചനകളില്ലെന്നും മാധ്യമങ്ങളിലൂടെയാണ് വിവരങ്ങള്‍ അറിയുന്നതെന്നുമുള്ള അടൂർ പ്രകാശിന്റെ പരാതിയെ കുറിച്ചുള്ള ചോദ്യത്തോട് രമേശ് ചെന്നിത്തല പ്രതികരിക്കാൻ തയ്യാറായില്ല.
