വർഷങ്ങളായി ഉപയോഗിക്കാത്ത പഴയ ബാങ്ക് അക്കൗണ്ടുകൾ നിങ്ങൾക്കുണ്ടോ? തുടർച്ചയായി രണ്ട് വർഷം ഇടപാടുകൾ നടക്കാത്ത അക്കൗണ്ടുകൾ നിർജീവമാകും; പേടിക്കണ്ട ഈ അക്കൗണ്ടുകൾ വീണ്ടും പ്രവർത്തനക്ഷമമാക്കാൻ കഴിയും;ആര്‍ബിഐയുടെ നിര്‍ദേശങ്ങള്‍ അറിയാം

ന്യൂഡൽഹി: വർഷങ്ങളായി യാതൊരുവിധ ഇടപാടുകളും നടത്താത്ത പഴയ ബാങ്ക് അക്കൗണ്ടുകൾ നിങ്ങൾക്കുണ്ടെങ്കിൽ ഉടൻ തന്നെ അവയുടെ നിലവിലെ അവസ്ഥ പരിശോധിക്കണം.

ഇത്തരം അക്കൗണ്ടുകളെക്കുറിച്ച് ഇടപാടുകാർക്ക് മുന്നറിയിപ്പുമായി റിസർവ് ബാങ്ക് ഓഫ് ഇന്ത്യ (RBI) രംഗത്തെത്തിയിട്ടുണ്ട്. എസ്എംഎസ്, ഇ-മെയിൽ, പത്രക്കുറിപ്പുകൾ എന്നിവയിലൂടെയാണ് ആർബിഐ ഉപഭോക്താക്കൾക്ക് നിർദേശങ്ങൾ നൽകുന്നത്.

എപ്പോഴാണ് ബാങ്ക് അക്കൗണ്ടുകൾ നിർജീവമാകുന്നത്?

തുടർച്ചയായി രണ്ടു വർഷത്തിലധികം അക്കൗണ്ട് ഉടമ യാതൊരുവിധ സാമ്പത്തിക ഇടപാടുകളും നടത്തിയില്ലെങ്കിൽ ബാങ്കുകൾ ആ അക്കൗണ്ടിനെ നിർജീവമായി കണക്കാക്കും.

രാജ്യത്തെ സാമ്പത്തിക സ്ഥിരത ഉറപ്പുവരുത്താനും ഉപഭോക്താക്കളുടെ പണത്തിന്റെ സുരക്ഷ ഉറപ്പാക്കാനുമാണ് ആർബിഐ ഈ നിർദേശം നൽകിയിരിക്കുന്നത്.

ബാങ്കിന്റെ പരിശോധനകൾ പൂർത്തിയായ ശേഷം നിങ്ങളുടെ അക്കൗണ്ട് വീണ്ടും പ്രവർത്തനക്ഷമമായി ലഭിക്കും. അതിനാൽ ഉപയോഗിക്കാത്ത അക്കൗണ്ടുകൾ ഉണ്ടെങ്കിൽ ഉടൻ തന്നെ ആവശ്യമായ കെവൈസി രേഖകൾ നൽകി അക്കൗണ്ടുകൾ വീണ്ടും സജീവമാക്കുക.