തിരുവനന്തപുരം: സംസ്ഥാനത്തെ റേഷൻ വിതരണം മുടങ്ങി. ഇ-പോസ് സെർവർ തകരാറിലായതിനെ തുടർന്നാണ് റേഷൻ വിതരണം മുടങ്ങിയത്.
ഇന്ന് രാവിലെ മുതല്‍ തന്നെ റേഷൻ കടകളിലെത്തിയ ഉപഭോക്താക്കള്‍ വലിയ പ്രതിസന്ധിയാണ് നേരിടുന്നത്. മണിക്കൂറുകളോളം ക്യൂ നിന്ന പലർക്കും വിതരണം തടസപ്പെട്ടതോടെ നിരാശയോടെ മടങ്ങേണ്ടിവന്നു.
ഇ-പോസ് മെഷീനുകളുടെ സെർവർ കേരളത്തിന് പുറത്തായതിനാല്‍ തകരാർ പെട്ടെന്ന് പരിഹരിക്കാൻ കഴിയില്ലെന്നാണ് വിവരം. തകരാർ പരിഹരിച്ച്‌ എപ്പോള്‍ മുതല്‍ വിതരണം പുനഃരാരംഭിക്കാൻ കഴിയുമെന്ന കാര്യത്തില്‍ നിലവില്‍ യാതൊരു വ്യക്തതയുമില്ലെന്നാണ് റേഷൻകട വ്യാപാരികള്‍ പറയുന്നത്.
