കൊച്ചി: ഇന്ത്യൻ റെയില്‍വേയില്‍ ജോലി Job in Indian Railways നേടാൻ ആഗ്രഹിക്കുന്നവർക്ക് അവസരം. ഗ്രാജുവേറ്റ് വിഭാഗത്തില്‍ 3,548 ഒഴിവുകളാണ് ഉള്ളത്.
ബിരുദം യോഗ്യതയുള്ളവർക്കാണ് അവസരം. അപേക്ഷകള്‍ സമർപ്പിക്കേണ്ട അവസാന തീയതി നവംബർ 06.
ഒഴിവുകള്‍
ഗുഡ്സ് ട്രെയിൻ മാനേജർ : 2,750 ഒഴിവുകള്‍
സീനിയർ ക്ലർക്ക് കം ടൈപ്പിസ്റ്റ് : 371 ഒഴിവുകള്‍
ജൂനിയർ അക്കൗണ്ട്സ് അസിസ്റ്റന്റ് കം ടൈപ്പിസ്റ്റ് : 300 ഒഴിവുകള്‍
ചീഫ് കൊമേഴ്സ്യല്‍ കം ടിക്കറ്റ് സൂപ്പർവൈസർ : 127 ഒഴിവുകള്‍
യോഗ്യത
അംഗീകൃത സർവ്വകലാശാലയില്‍ നിന്നുള്ള ബിരുദം പാസായിക്കണം.
അവസാന വർഷ ഫലം കാത്തിരിക്കുന്നവർക്ക് അപേക്ഷിക്കാൻ അർഹതയില്ല
അപേക്ഷകർ 2026 നവംബർ 06-ന് മുൻപ് യോഗ്യത നേടിയിരിക്കണം.
പ്രായപരിധി : 18 മുതല്‍ 33 വയസ്സ് വരെ. SC/ST ഉദ്യോഗാർത്ഥികള്‍ക്ക് 5 വർഷവും, OBC (NCL) ഉദ്യോഗാർത്ഥികള്‍ക്ക് 3 വർഷവും ഇളവ് ലഭിക്കും.
അപേക്ഷാ ഫീസ്: പൊതു വിഭാഗക്കാർക്ക് 500 രൂപ ആണ് അപേക്ഷാ ഫീസ്. പരീക്ഷ എഴുതുന്നവർക്ക് ഇതില്‍ 400 രൂപ റീഫണ്ട് ലഭിക്കും. SC/ST, ഭിന്നശേഷിക്കാർ, സ്ത്രീകള്‍, ട്രാൻസ്‌ജെൻഡർ, ന്യൂനപക്ഷ വിഭാഗങ്ങള്‍ എന്നിവർക്ക് 250 രൂപ ആണ് ഫീസ്. പരീക്ഷ എഴുതുന്നവർക്ക് മുഴുവൻ തുകയും റീഫണ്ട് ലഭിക്കും.
തിരഞ്ഞെടുപ്പ് പ്രക്രിയ: കംപ്യുട്ടർ ബേസ്ഡ് ടെസ്റ്റ് (CBT) 1,2 പരീക്ഷകള്‍, രേഖകളുടെ പരിശോധന (DV), മെഡിക്കല്‍ പരിശോധന എന്നിവ ഉള്‍പ്പെടുന്നതാണ് തിരഞ്ഞെടുപ്പ് പ്രക്രിയ. CBT 1-ല്‍ 90 മിനിറ്റിനുള്ളില്‍ 100 ചോദ്യങ്ങളുണ്ടാകും.
ജനറല്‍ അവയർനസില്‍ 40, മാത്തമാറ്റിക്സില്‍ 30, റീസണിംഗില്‍ 30 ചോദ്യങ്ങളാണ്. CBT 2-ല്‍ 90 മിനിറ്റില്‍ 120 ചോദ്യങ്ങളുണ്ടാകും. ജനറല്‍ അവയർനസ് 50, മാത്തമാറ്റിക്സ് 35, റീസണിംഗ് 35 എന്നിങ്ങനെയാണ് വിഷയങ്ങള്‍. രണ്ട് പരീക്ഷകളിലും തെറ്റായ ഓരോ ഉത്തരത്തിനും 1/3 മാർക്ക് നെഗറ്റീവ് മാർക്ക് ഉണ്ടായിരിക്കും.
കൂടുതല്‍ വിവരങ്ങള്‍ക്ക് വിജ്ഞാപനം സന്ദർശിക്കുക.
https://www.rrbapply.gov.in/assets/forms/CEN_06_2026_NTPC_G.pdf
