കണ്ണൂർ: ലോക്സഭാ പ്രതിപക്ഷ നേതാവ് രാഹുല്‍ ഗാന്ധിക്കെതിരെ അപകീർത്തികരമായ പരാമർശം നടത്തിയ ബി.ജെ.പി നേതാവ് കെ.ശ്രീകാന്തിനെതിരെ പോലീസില്‍ പരാതി നല്‍കി.
ടി.ഒ. മോഹനൻ എം.എല്‍.എയാണ് ശ്രീകാന്തിനെതിരെ പോലീസില്‍ പരാതി നല്‍കിയത്.
കണ്ണൂരില്‍ നടന്ന ഒരു ബി.ജെ.പി പരിപാടിയില്‍ സംസാരിക്കവെ രാഹുല്‍ ഗാന്ധിക്ക് തെരുവ് നായയുടെ സ്വഭാവമാണെന്ന രീതിയിലായിരുന്നു കെ. ശ്രീകാന്തിന്റെ പരാമർശം. ഈ വിവാദ പ്രസംഗത്തിനെതിരെയാണ് കോണ്‍ഗ്രസ് നേതൃത്വം ഔദ്യോഗികമായി നിയമനടപടികളുമായി രംഗത്തെത്തിയിരിക്കുന്നത്.
