കോയിപ്പുറം: അജ്ഞാത ഫോണില് നിന്നു ജില്ലാ പോലീസ് മേധാവിക്ക് ലഭിച്ച സന്ദേശം തുമ്പാക്കി നടത്തിയ അന്വേഷണത്തില് കൊലക്കേസ് പ്രതികളെ കണ്ടെത്തി.
75 വയസുള്ള പൊന്നമ്മ തോമസിന്റെ മരണത്തിലെ പ്രതിയായ മകനെയും പങ്കാളിയെയുമാണ് കോയിപ്പുറം പോലീസ് അറസ്റ്റ് ചെയ്തത്.
വയോധികയുടെ മൃതശരീരം കുമ്പനാട് ഫെലോഷിപ്പ് ആശുപത്രിയില് സൂക്ഷിച്ചിരിക്കുന്നു എന്ന് പോലീസിന് ലഭിച്ച ഒരു അജ്ഞാത ഫോണ് സന്ദേശത്തില് നിന്നാണ് സംഭവ പരമ്പരകളുടെ തുടക്കം.
സന്ദേശം ലഭിച്ച ഉടനെ ആശുപത്രിയിലെത്തി മൃതശരീരം കണ്ട കോയിപ്പുറം എസ്. ഐ പങ്കജ് കൃഷ്ണ , കോയിപ്പുറത്തിന്റെ ചാര്ജ് ഉള്ള കീഴ്വായ്പൂര് സര്ക്കിള് ഇന്സ്പെക്ടര് ജി സുരേഷ് കുമാര് എന്നിവര്ക്ക് ആദ്യം തന്നെ മൃതദേഹത്തില് ചില അസ്വാഭാവികകള് തോന്നി.ഇവര് വിവരങ്ങള് തിരുവല്ല ഡി.വൈ.എസ്.പി സന്തോഷിനും ജില്ലാ പോലീസ് മേധാവിആര് ആനന്ദിനെയും അറിയിച്ചു. ജില്ലാ പോലീസ് മേധാവിയുടെ നിര്ദ്ദേശാനുസരണം ഉടന്തന്നെ ഒരു പ്രത്യേക അന്വേഷണസംഘം തിരുവല്ല ഡി.വൈ.എസ്പി. യുടെ മേല്നോട്ട ത്തില് രൂപീകരിച്ചു.
ഇന്ക്വസ്റ്റ് , പോസ്റ്റുമോര്ട്ടം നടപടികള് കൃത്യതയോടെ പൂര്ത്തിയാക്കി. കോട്ടയം മെഡിക്കല് കോളേജിലെ ഫോറന്സിക് പോലീസ് സര്ജന് ഡോ.അശ്വതി ആയിരുന്നു പോസ്റ്റ്മോര്ട്ടം നടത്തിയത്. ഈ പരിശോധനയില് ലഭിച്ച വിവരങ്ങള് കേസില് വളരെ നിര്ണായകമായി.
മൃതദേഹം ഇന്ക്വസ്റ്റ് പരിശോധന നടത്തിയ വേളയില് തന്നെ ഇത് ഒരു കൊലപാതമാകാനുള്ള സാധ്യതയുണ്ട് എന്ന് അന്വേഷണ ഉദ്യോഗസ്ഥര്ക്ക് മനസിലായി. അസ്വാഭാവിക ഭരണത്തിനാണ് കേസ് രജിസ്റ്റര് ചെയ്തിരുന്നത് എങ്കിലും , സംശയങ്ങളും ലഭിച്ച തെളിവുകളും ഏകദേശം സാമ്യമുള്ളവ ആയിരുന്നു.
മരണപ്പെട്ട പൊന്നമ്മ തോമസിനോട് ഒപ്പം താമസിച്ചിരുന്ന മകന് ടിജോ തോമസ് (37) ലേക്ക് അന്വേഷണം എത്തിച്ചേര്ന്നു. ഇയാളോടൊപ്പം താമസിച്ചിരുന്ന കൊല്ലം കാവനാട് സ്വദേശി റിന്സി മോള് (37) നെയും കൂടുതല് ചോദ്യം ചെയ്തപ്പോള് ക്രൂരമായ കൊലപാതകത്തിന്റെ വിവരങ്ങളാണ് ലഭിച്ചത്. ടിജോ തോമസ് ഭാര്യയുമായി പിണങ്ങി കഴിയുകയാണ്. ആറുമാസത്തിലധികമായി റിന്സി മോള് ഇയാളോടൊപ്പം ആണ് താമസിക്കുന്നത്.
ഇവര് തമ്മില് കഴിഞ്ഞ തിങ്കളാഴ്ച രാത്രി നടന്ന വഴക്കിനിടെ തടസ്സം പിടിക്കാന് എത്തിയ അമ്മ പൊന്നമ്മ തോമസിനെ ടിജോ നെഞ്ചില് തൊഴിക്കുകയും ശ്വാസംമുട്ടിക്കുകയും ശരീരമാസകലം ഇടിക്കുകയും ചെയ്ത് കൊലപ്പെടുത്തിയതാണ് എന്നാണ് കണ്ടെത്തിയിരിക്കുന്നത്.
സ്വന്തം അമ്മയെ ചവിട്ടിയും ഇടിച്ചും ശ്വാസംമുട്ടിച്ചും കൊലപ്പെടുത്തിയ കോയിപ്പുറം പോലീസ് സേ്റ്റഷന് പരിധിയില് കടപ്ര എന്ന സ്ഥലത്ത് കാഞ്ഞിരം നില്ക്കുന്നതില് വീട്ടില് ടിജോ തോമസ് (37) ഇയാളോടൊപ്പം താമസിച്ചു വന്നിരുന്ന കൊല്ലം ജില്ലയില് ശക്തികുളങ്ങര കാവനാട് സ്വദേശി കിണറുവിള വടക്കേതില് വീട്ടില് റിന്സി മോള് (37) എന്നിവരുടെ അറസ്റ്റ് രേഖപ്പെടുത്തി കോടതിയില് ഹാജരാക്കി റിമാന്ഡ് ചെയ്തു . ഷെബാന അഹമ്മദ് , സുരേഷ്, വിപിന്രാജ് , അഭിലാഷ് മനൂപ് , അനന്തു , രഞ്ജിത് , സുജിത്ത് എന്നിവരും അടങ്ങുന്നതായിരുന്നു അന്വേഷണസംഘം.
