കോഴിക്കോട്: താമരശ്ശേരിയില് പ്രായപൂർത്തിയാവാത്ത പെണ്കുട്ടിയുടെ മുറിയില് അതിക്രമിച്ചു കയറിയ യുവാവിനെ വീട്ടുകാർ പൂട്ടിയിട്ടു.
സംഭവത്തെത്തുടർന്ന് യുവാവിന്റെ സുഹൃത്തുക്കളുടെ ആറംഗസംഘം വീട്ടുകാരെ മർദിച്ച് യുവാവിനെ കൊണ്ടുപോയി. സംഭവത്തില് അടിവാരം സ്വദേശി മിഷ്ബാഹുലിനെയും സുഹൃത്തുക്കളായ മയിലാളംപാറ സ്വദേശികളായ അബൂബക്കർ അശ്മില്, വി.കെ. ഷഹാസ്, മുഹമ്മദ് ആഷിക് എന്നിവരെ പൊലീസ് അറസ്റ്റ് ചെയ്തു.
ഇന്നലെ അർദ്ധരാത്രിയോടെയാണ് സംഭവം. പ്രായപൂർത്തിയാകാത്ത പെണ്കുട്ടിയുടെ മുറിയിലേക്ക് യുവാവ് അതിക്രമിച്ചു കയറുകയായിരുന്നു. ശബ്ദം കേട്ട് മുറിയിലെത്തിയ വീട്ടുകാർ യുവാവിനെ മുറിയില് തന്നെ പൂട്ടിയിടുകയായിരുന്നു. തുടർന്ന് യുവാവ് സുഹൃത്തുക്കളെ വിളിച്ചു വരുത്തുകയായിരുന്നു. തുടർന്ന് ആറംഗസംഘം വീട്ടിലെത്തി വീട്ടുകാരെ മർദിച്ച് വീടിന് കേടുപാടുകള് വരുത്തി യുവാവിനെ കൊണ്ടുപോവുകയായിരു
സംഘം എത്തിയ ബൈക്കുകള് നാട്ടുകാർ പെലീസിന് കൈമാറി. മുഖ്യപ്രതി മിഷ്ബാഹുല് പോക്സോ കേസ് ഉള്പ്പെടെ നിരവധി അക്രമ കേസുകളില് പ്രതിയാണ്. വീട്ടുകാർക്ക് യുവാവുമായി യാതൊരുവിധ ബന്ധവുമില്ലെന്നാണ് വിവരം. മറ്റു പ്രതികളെ ഉടൻ അറസ്റ്റ് ചെയ്യുമെന്നും പൊലീസ് അറിയിച്ചു.
