കൊച്ചി: ലൈംഗിക കുറ്റകൃത്യങ്ങളുടെ സൈബർ ഇടമായി ടെലഗ്രാം. ഡീപ് ഫേക്ക് നഗ്ന ചിത്രങ്ങള് നിർമ്മിക്കുന്ന ബോട്ടുകള് സജീവം. സ്ത്രീകളുടെ വികല ചിത്രങ്ങള് വില്പനക്ക് വച്ച് ഗ്രൂപ്പുകള്.
വീടിനുള്ളിലെ സ്വകാര്യതയില് നിന്നും ചിത്രങ്ങള് ടെലഗ്രാമിലെത്തുന്നുണ്ട്. പണം വാങ്ങി ചിത്രങ്ങള് വില്ക്കുന്നവരില് കൗമാരക്കാരുമുണ്ടെന്നതാണ് ഞെട്ടിപ്പിക്കുന്ന വിവരം.
കൊച്ചി സൈബർ പോലീസില് രണ്ടുമാസത്തിനിടെ എടുത്തത് 5 കേസുകളാണ്. കുറ്റകൃത്യങ്ങള്ക്ക് ഏറ്റവും അനിയോജ്യമായ സൈബർ ഇടമെന്ന് വിശേഷിപ്പിക്കപ്പെടുന്ന ടെലിഗ്രാമില് പല പ്രായത്തിലുള്ള സ്ത്രീകളുടെ നഗ്നവും വികൃതവുമായ ചിത്രങ്ങള് വ്യാപകമായി വില്പനക്ക് വച്ചിരിക്കുകയാണ്.
സഹപാഠികളുടെ നഗ്ന ചിത്രങ്ങള് പ്രചരിപ്പിച്ചതിന് തിരുവനന്തപുരത്ത് മെഡിക്കല് വിദ്യാർഥി അറസ്റ്റിലായ കേസിലും ടെലിഗ്രാമിനുള്ളിലൊളിച്ചിരുന്നായിരുന്നു ക്രിമിനല് പ്രവർത്തി. ഡീപ് ഫേക് ബോട്ടുകള് രൂപികരിച്ചും ഗ്രൂപ്പുകളുണ്ടാക്കിയുമെല്ലാമാണ് ചിത്രങ്ങള് ശേഖരിച്ച് പ്രചരിപ്പിക്കുന്നത്. കൗമാരക്കാരയ വിദ്യാർഥികളടക്കം ഞെട്ടിക്കുന്ന കുറ്റകൃത്യത്തിന്റെ ഭാഗമാണ്.
