കോട്ടയം : പാലായിൽ ക്രയിൻ ഇടിച്ച് വഴിയാത്രക്കാരിക്ക്
ദാരുണാന്ത്യം. പാലാ തൊടുപുഴ റോഡിൽ കൊല്ലപ്പള്ളിയിൽ ഇന്ന് വൈകിയിട്ടാണ് അപകടമുണ്ടായത്.
അന്തീനാട് കുറുമാന്തോട്ടത്തിൽ ആലീസ് ജോസഫ് ( 65) ആണ് മരിച്ചത്.
കടയിൽ പോയി മടങ്ങുകയായിരുന്ന ആലീസ് ക്രയിൻ തട്ടിവീഴുകയും ക്രയിൻ ആലീസിന്റെ ശരീരത്തിലൂടെ കയറിയിങ്ങുകയും ചെയ്തു.
സംഭവസ്ഥലത്തു വച്ചു തന്നെ ആലീസ് മരണമടഞ്ഞു. മൃതദേഹം പാലാ ജനറൽ ആശുപത്രിയിലേക്ക് മാറ്റി.
പാലായിൽ നിന്നും ഫയർഫോഴ്സ് സംഘമെത്തിയാണ് റോഡ് ശുചീകരിച്ച് ഗതാഗത തടസ്സം നീക്കിയത്.
