പാലാ: ഗജകൗസ്തുഭം പല്ലാട്ട് ബ്രഹ്‌മദത്തന്‍റെ ആകസ്മിക വിയോഗത്തില്‍ പാലായിലെ പൗരാവലി അനുശോചിച്ചു.
മില്‍ക്ക് ബാര്‍ ഓഡിറ്റോറിയത്തില്‍ നടന്ന സമ്മേളനം മാണി സി. കാപ്പല്‍ എംഎല്‍എ ഉദ്ഘാടനം ചെയ്തു.
ളാലം മഹാദേവ ക്ഷേത്രത്തിന്‍റെ കിഴക്കേ നടയില്‍ പുതുക്കിപ്പണിത ഗോപുരത്തിന്‍റെ നടതുറന്ന് ഉദ്ഘാടനം
നിര്‍വഹിച്ച ബ്രഹ്‌മദത്തന്‍റെ സ്മരണക്കായി ക്ഷേത്രത്തില്‍ സ്ഥാപിക്കുന്ന ആനയുടെ ഛായാചിത്രം ജോസ് കെ. മാണി എംപി അനാച്ഛാദനം ചെയ്തു.
നഗരസഭാ ചെയര്‍പേഴസണ്‍ മായ രാഹുല്‍ അധ്യക്ഷത വഹിച്ചു. ആനയുടെ പാപ്പാന്മാരായ ശരത്, വിശാല്‍, വിമല്‍, ആനവണ്ടിയുടെ സാരഥി ബൈജു എന്നിവരെ മായ രാഹുല്‍ ആദരിച്ചു.
കൗണ്‍ലര്‍മാരായ ജോസിന്‍ ബിനോ, ബിജി ജോജോ, ബിനു പുളിക്കക്കണ്ടം, ബിജു പുളിക്കക്കണ്ടം, ടോണി തൈപ്പറമ്പില്‍, മുന്‍ കൗണ്‍സിലര്‍ ബൈജു കൊല്ലംപറമ്പില്‍,
ബിജെപി സംസ്ഥാന ഉപാധ്യക്ഷന്‍ ഷോണ്‍ ജോര്‍ജ്, വെസ്റ്റ് ജില്ലാ പ്രസിഡന്‍റ് ലിജിന്‍ ലാല്‍, പൗരസമിതി പ്രസിഡന്‍റ് പരമേശ്വരന്‍ നായര്‍ പുത്തൂര്‍, ആന ഉടമ രാജേഷ് പല്ലാട്ട് തുടങ്ങിയവര്‍ പ്രസംഗിച്ചു.
