തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ 2026-ലെ തിരുവോണം ബംപർ ടിക്കറ്റ് മുഖ്യമന്ത്രി വി.ഡി. സതീശൻ പ്രകാശനം ചെയ്തു. ഈ വർഷം ഒന്നാം സമ്മാനമായി പ്രഖ്യാപിച്ചിരിക്കുന്നത് 30 കോടി രൂപയാണ്. ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയർന്ന സമ്മാനത്തുകയാണിത്.
കഴിഞ്ഞ വർഷം വരെ 25 കോടി രൂപയായിരുന്നു തിരുവോണം ബംപറിന്റെ ഒന്നാം സമ്മാനം. സമ്മാനത്തുക അഞ്ച് കോടി രൂപ വർധിപ്പിച്ചാണ് ഇത്തവണ സർക്കാർ ബംപർ പുറത്തിറക്കിയത്.
തിരുവോണം ബംപർ ടിക്കറ്റുകളുടെ വിൽപ്പന തിങ്കളാഴ്ച മുതൽ ആരംഭിക്കും. സെപ്റ്റംബർ 26-നാണ് നറുക്കെടുപ്പ് നടക്കുക. രണ്ടാം സമ്മാനമായി ഒരു കോടി രൂപ വീതം 20 പേർക്കും മൂന്നാം സമ്മാനമായി 25 ലക്ഷം രൂപ വീതം 20 പേർക്കും ലഭിക്കും. 500 രൂപയാണ് ഒരു തിരുവോണം ബംപർ ടിക്കറ്റിന്റെ വില.
