നീലഗിരിയിൽ കൂറ്റൻ പാറക്കല്ല് റോ‍ഡിലേക്ക് വീണ് വ്യോമസേനയിലെ മുൻ ഉദ്യോ​ഗസ്ഥന് ദാരുണാന്ത്യം;ഭാര്യയ്ക്കും ബന്ധുവിനും പരിക്ക്

നീല​ഗിരി: നീല​ഗിരിയിൽ കൂറ്റൻ പാറക്കല്ല് റോ‍ഡിലേക്ക് വീണ് കാർ യാത്രക്കാരൻ മരിച്ചു.

വ്യോമസേന മുൻ ഉദ്യോ​ഗസ്ഥനായഊട്ടി സ്വദേശി ബിi കൃഷ്ണമൂർത്തിയാണ് മരിച്ചത്.

ഭാര്യയ്ക്കും ബന്ധുവിനും ​ഗുരുതരമായി പരിക്കേൽക്കുകയും ചെയ്തു.

കഴിഞ്ഞ കുറച്ചുദിവസങ്ങളായി നീല​ഗിരി മേഖലയിൽ കനത്ത മഴ പെയ്യുന്നുണ്ട്.

വ്യോമസേനയിലെ മുൻ ഉദ്യോ​ഗസ്ഥനായ ബി കൃഷ്ണമൂർത്തിയും ഭാര്യയും മകനുമടക്കം

അഞ്ച് പേരാണ് മേട്ടുപ്പാളയത്തെ ബന്ധുവിന്റെ വീട്ടിലേക്ക് ചടങ്ങിൽ പങ്കെടുക്കാൻ പോയത്.

ഇതിനിടെയാണ് അപകടമുണ്ടായത്.

പാറക്കല്ലുകൾ അപ്രതീക്ഷിതമായി റോ‍ഡിന്റെ ഒരു വശത്ത് നിന്ന് വീഴുകയായിരുന്നു.

മുൻവശത്ത് ഇടതുനിരയിലാണ് കൃഷ്ണമൂർത്തി ഇരുന്നത്.

ഈ ഭാ​ഗത്തേക്കാണ് കല്ലുകൾ പതിച്ചത്. തൊട്ടുപിന്നിലിരുന്ന ഭാര്യ ദേവകി, ബന്ധുവായ ചിന്താമണി എന്നിവർക്കാണ് ​ഗുരുതരമായി

പരിക്കേറ്റിരിക്കുന്നത്. കൃഷ്ണമൂർത്തിയെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.

മകനാണ് വാഹനമോടിച്ചിരുന്നത്. ഇവർക്ക് കാര്യമായ പരിക്കില്ല.

ഇവിടങ്ങളിൽ കഴിഞ്ഞ ദിവസങ്ങളിൽ വ്യാപകമായി മഴ പെയ്യുന്നുണ്ട്.

സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.