കൊച്ചി: നെടുമ്പാശേരി അന്താരാഷ്ട്ര വിമാനത്താവളത്തിലെ സോളാർ പാനലുകളില്‍ നിന്ന് ചെമ്പ് മോഷ്ടിച്ച സംഭവത്തില്‍ മൂന്ന് ഇതര സംസ്ഥാനക്കാർ പിടിയില്‍.
ആസാം നാഗോണ്‍ സ്വദേശി ജലാല്‍ ഹുസൈൻ (26), ബ്രദക് സ്വദേശി ഗണേഷ് കുമാർ (36), ബംഗാളിലെ മുർഷിദാബാദ് സ്വദേശി താജുദ്ദീൻ ഷെയ്ഖ് (26) എന്നിവരാണ് പിടിയിലായത്.
നെടുമ്പാശേരി പൊലിസാണ് ഇവരെ പിടികൂടിയത്. എസ്‌ഐ അരുണ്‍ രാജിന്റെ നേതൃത്വത്തിലുള്ള പൊലിസ് സംഘമാണ് ഇവരെ അറസ്റ്റ് ചെയ്തത്.
കഴിഞ്ഞ ദിവസം രാത്രി ആവണംകോട് റോഡില്‍ റെയില്‍വേ മേല്‍പ്പാലത്തിന് സമീപം സംശയാസ്പദമായ സാഹചര്യത്തില്‍ കണ്ട മൂവരെയും പൊലിസ് കസ്റ്റഡിയിലെടുത്ത് ചോദ്യം ചെയ്തതോടെയാണ് മോഷണ വിവരം പുറത്തു വന്നത്. സോളാർ പാനലുകളില്‍ നിന്ന് ചെമ്പ് മോഷ്ടിക്കുന്നതിനെതിരെ സിയാല്‍ അധികൃതർ നേരത്തെ നെടുമ്പാശേരി പൊലീസില്‍ പരാതി നല്‍കിയിരുന്നു.
