തിരുവനന്തപുരം: എക്സൈസ് വകുപ്പുമായി ബന്ധപ്പെട്ട് ഉയർന്ന ആരോപണങ്ങളില്‍ അന്വേഷണത്തിന് സർക്കാർ. ഉദ്യോഗസ്ഥർ ബാർ ഉടമകളില്‍ നിന്നും കൈക്കൂലി വാങ്ങിയെന്ന് എക്സൈസ് കമ്മീഷണർ തന്നെ റിപ്പോർട്ട് നല്‍കിയതിന് പിന്നാലെയാണ് സർക്കാർ അന്വേഷണത്തിന് തയ്യാറെടുക്കുന്നത്.
എക്സൈസ് മന്ത്രി എം ലിജു ഇന്ന് നികുതി സെക്രട്ടറിക്ക് റിപ്പോർട്ട് നല്‍കിയേക്കും. മുൻ എക്സൈസ് കമ്മീഷണർ സീറാം സാംബശിവറാവുവിന്റെ റിപ്പോർട്ടില്‍ വിജിലൻസ് അന്വേഷണം വേണം എന്നാണ് ആവശ്യപ്പെടുന്നത്.
ഏത് അന്വേഷണത്തിനും തയ്യാറെന്നാണ് മന്ത്രിയും അറിയിച്ചിരിക്കുന്നത്. അതേസമയം, മദ്യനയം പ്രഖ്യാപിക്കാൻ ഇരിക്കെ ലൈസൻസ് പുതുക്കല്‍ അടക്കം നല്‍കരുതെന്നാണ് ഉത്തരവിറക്കിയിരിക്കുന്നത്.
ഈ മാസം അവസാനത്തോടെ പുതിയ മദ്യനയം പ്രഖ്യാപിക്കും. പുതിയ എക്സൈസ് കമ്മീഷണർ ആരെന്നതില്‍ ചർച്ചകളും പുരോഗമിക്കുകയാണ്.
