കൊച്ചി: നെടുമ്പാശ്ശേരി മിനി കൂപ്പർ അപകടത്തില്‍ പ്രതി സുഹൈലിനെതിരെ നടപടി തുടങ്ങി മോട്ടോർ വാഹന വകുപ്പ്.
നിയമലംഘനങ്ങളില്‍ കാരണം കാണിക്കല്‍ നോട്ടീസ് അയച്ചു. ലൈസൻസ് റദ്ദാക്കുന്നതിന് മുൻപ് സുഹൈലിനെ കേള്‍ക്കും.
കാറില്‍ നിയമവിരുദ്ധ മോഡിഫിക്കേഷനും പ്രഥാമിക പരിശോധനയില്‍ മിനികൂപ്പറിന്റെ സൈലൻസറില്‍ അനധികൃത മോഡിഫിക്കേഷനും കണ്ടെത്തിയിട്ടുണ്ട്. കാർ വിശദ പരിശോധനക്ക് വിധേയമാക്കും.
സിസിടിവിയില്‍ അമിത വേഗത വ്യക്തമാണ്. വിമാനത്താവള വഴിയിലെ സിസിടിവി ദൃശ്യങ്ങളെല്ലാം പൊലീസ് ശേഖരിച്ചു കഴിഞ്ഞു.
കാർ കുതിച്ചു പാഞ്ഞെന്ന് തുടക്കം മുതല്‍ വ്യക്തമാണ്. കാറിന്റെ ഇഡിആർ വിവരങ്ങള്‍ ലഭിക്കാനായി എംവിഡി കാത്തിരിക്കുകയാണ്.
അതേസമയം, സുഹൈലിന്റെ രക്തസാമ്പിളില്‍ ആല്‍ക്കഹോളിന്റെ അളവ് 161 എംജിയാണ്. മൂത്രസാമ്പിളില്‍ ആല്‍ക്കഹോളിന്റെ അളവ് 230 എംജിയുമാണ്. 30Mg ആണ് അനുവദനീയ അളവ്.
