കൊച്ചി: മലയാളത്തിലെ യുവനടന്മാരില് ശ്രദ്ധേയനാണ് മാത്യു തോമസ്. ' തണ്ണീര്മത്തന് ദിനങ്ങള്' എന്ന ചിത്രത്തിലൂടെയാണ് മാത്യു സിനിമയില് അരങ്ങേറ്റം കുറിക്കുന്നത്.
അടുത്തിടെ പോളണ്ടില് ആക്ടിങ് വര്ക്ക്ഷോപ്പില് പങ്കെടുത്തതിന്റെ അനുഭവങ്ങള് പങ്കുവെച്ചിരിക്കുകയാണ് താരം ഇപ്പോള്.
കോളേജില് പോകാന് കഴിയാത്തതിന്റെ വിഷമം തീര്ക്കാനും, ഒരു ഗ്രൂപ്പായി ഇരുന്ന് കാര്യങ്ങള് പഠിക്കാനുമാണ് വര്ക്ക്ഷോപ്പില് പങ്കെടുത്തതെന്ന് മാത്യു തോമസ് പറയുന്നു. സ്വകാര്യ ചാനലിന് നല്കിയ അഭിമുഖത്തിലാണ് പ്രതികരണം.
'കോളേജില് പോകാൻ കഴിയാത്ത വിഷമം തീർക്കാനാണ് വർക്ക്ഷോപ്പുകളില് പങ്കെടുത്തത്. കൂട്ടമായി പഠിക്കുന്നതും ചർച്ച ചെയ്യുന്നതും എന്നും ഇഷ്ടമുള്ള കാര്യമാണ്. ആ ഒരു താത്പര്യത്തിന്റെ പുറത്താണ് ഞാന് ആ വര്ക്ക്ഷോപ്പ് അറ്റന്ഡ് ചെയ്തത്. എന്റെ മെയിന് ഒബ്ജക്ടീവ് എന്നു പറഞ്ഞാല് ഒരു ഗ്രൂപ്പിന്റെ കൂടെ പോയിരുന്ന് പഠിക്കുക എന്നതായിരുന്നു. ആ സമയത്ത് എന്റെ കുറച്ച് കൂട്ടുകാര് അതിനെപ്പറ്റി സംസാരിച്ചപ്പോള് ഞാനും ഫ്രീയായിരുന്നു. അങ്ങനെ പോയി ചെയ്തതാണ്.
എന്തിനെ പറ്റിയാണ് വര്ക്ക്ഷോപ് എന്നതിലുപരി ഒരു ഗ്രൂപ്പിന്റെ കൂടെയിരുന്ന് പഠിക്കുക, പിന്നീട് അതിനെപ്പറ്റി സംസാരിക്കുക അങ്ങനെയുള്ള ആക്ടിവിറ്റീസ് ഇഷ്ടമാണ്. കോളേജില് പോയി പഠിക്കാന് പറ്റാത്തതിന്റെ വിഷമം ഇങ്ങനെയൊക്കെയാണ് തീര്ക്കുന്നത്. ഒരു ക്യാരക്ടറിന് വേണ്ടിയോ അല്ലെങ്കില് സിനിമക്ക് വേണ്ടിയോ ആക്ടിങ് വര്ക്ക്ഷോപ്പുകളില് പങ്കെടുക്കുന്നവരുണ്ട്. എന്റെ കാര്യം നോക്കിയാല് വര്ക്ക്ഷോപ്പുകളെക്കാള് കൂടുതല് കാര്യങ്ങള് ഞാന് പഠിച്ചിട്ടുള്ളത് സെറ്റില് നിന്നാണ്. കുട്ടേട്ടനെപ്പോലുള്ള ആര്ട്ടിസ്റ്റുകളില് നിന്നൊക്കെ നമുക്ക് ഒരുപാട് പഠിക്കാനുണ്ട്,' മാത്യു പറഞ്ഞു.
അതേസമയം, ' പ്രഥമ ദൃഷ്ട്യാ കുറ്റക്കാര്' എന്ന ചിത്രമാണ് മാത്യു തോമസ് അഭിനയിച്ച് ഒടുവില് പുറത്തിറങ്ങിയ ചിത്രം. മികച്ച പ്രതികരണമാണ് ചിത്രത്തിന് ലഭിക്കുന്നത്. ചിത്രത്തിലെ മാത്യുവിന്റെ പോലീസ് വേഷവും ഏറെ പ്രശംസ നേടുന്നുണ്ട്. പാര്വതി തിരുവോത്ത്, വിജയരാഘവന്, ഉണ്ണിമായ, സിദ്ധാര്ത്ഥ് ഭരതന്, വിനയ് ഫോര്ട്ട് എന്നിവരാണ് ചിത്രത്തിലെ മറ്റ് താരങ്ങള്.
11 ഐക്കണ്സിന്റെ ബാനറില് അര്ജുന് സെല്വ നിര്മ്മിച്ച് ഷഹദ് സംവിധാനം ചെയ്യുന്ന ചിത്രമാണിത്. പ്രകാശന് പറക്കട്ടെ, അനുരാഗം എന്നീ ചിത്രങ്ങള്ക്ക് ശേഷമുളള ഷഹദിന്റെ സംവിധാന സംരംഭമാണിത്.
