തിരുവനന്തപുരം: ശബരിമലയിലെ അരവണ ക്ഷാമവും സ്റ്റോക്കില്ലായ്മയും സംബന്ധിച്ച വിഷയത്തില് സര്ക്കാര് സജീവമായി ഇടപെടുമെന്ന് മന്ത്രി കെ. മുരളീധരന്.
തീര്ഥാടകര്ക്ക് ആവശ്യമായ സൗകര്യങ്ങള് ഉറപ്പാക്കുന്നതില് സര്ക്കാര് കയ്യും കെട്ടി നോക്കി നില്ക്കില്ലെന്നും അദ്ദേഹം വ്യക്തമാക്കി. അരവണയുടെ ലഭ്യതക്കുറവിനെക്കുറിച്ചാണ് താന് ചോദ്യം ഉന്നയിച്ചതെന്നും മന്ത്രി പറഞ്ഞു.
ശബരിമലയില് അപ്പവും അരവണയും ലഭ്യമാകാത്തതുമായി ബന്ധപ്പെട്ട് ദേവസ്വം ബോര്ഡിന്റെ ഭാഗത്തെ വീഴ്ചകള് ചൂണ്ടിക്കാണിക്കുന്നതിന് പകരം സര്ക്കാര് വിമര്ശിക്കപ്പെടുകയാണെന്നും അദ്ദേഹം അഭിപ്രായപ്പെട്ടു.
ശബരിമല വിഷയത്തില് മുഖ്യമന്ത്രിയുമായി ആലോചിച്ചും കോടതിയുടെ അനുമതിയോടെയും ആവശ്യമായ നടപടികള് സ്വീകരിക്കാനാണ് സര്ക്കാര് ഉദ്ദേശിക്കുന്നത്. വരാനിരിക്കുന്ന മണ്ഡല-മകരവിളക്ക് ഉത്സവം മികച്ച രീതിയില് നടത്തുന്നതിനുള്ള മുന്നൊരുക്കങ്ങളുമായാണ് സര്ക്കാര് മുന്നോട്ടുപോകുന്നതെന്നും അദ്ദേഹം പറഞ്ഞു.
