ഇടുക്കി: തദ്ദേശ തെരഞ്ഞെടുപ്പ് പ്രവർത്തനവുമായി ബന്ധപ്പെട്ടുണ്ടായ തർക്കത്തെത്തുടർന്ന് ലീഗ് സംസ്ഥാന വൈസ് പ്രസിഡന്റിനെ വഴിയില് തടഞ്ഞുനിർത്തിയ സംഭവത്തില് ലീഗ് പ്രവർത്തകർക്കെതിരെ നടപടി. ഇടുക്കിയിലെ യൂത്ത് ലീഗ് പ്രവർത്തകരായ രണ്ടുപേർക്കെതിരെയാണ് പാർട്ടി അച്ചടക്ക നടപടിയെടുത്തത്. ഇരുവരെയും പാർട്ടിയില് നിന്നും പുറത്താക്കി.
യൂത്ത് ലീഗ് ഇടുക്കി ജില്ലാ ജോയിൻ്റ് സെക്രട്ടറി അൻഷാദ് കുറ്റിയാനി, യൂത്ത് ലീഗ് പഞ്ചായത്ത് കമ്മിറ്റി പ്രസിഡൻ്റ് പി എം ബാവ എന്നിവരെയാണ് പ്രാഥമിക അംഗത്വത്തില് നിന്ന് പുറത്താക്കിയത്. നടപടിക്ക് ഇടയാക്കിയ സംഭവം നടന്നത് കഴിഞ്ഞ കാഴ്ചയായിരുന്നു. ഇരുവരും ചേർന്ന് തൊടുപുഴയില് വെച്ച് ലീഗ് സംസ്ഥാന വൈസ് പ്രസിഡൻ്റ് ടി എം സലീമിനെ വഴിയില് തടഞ്ഞിരുന്നു. തദ്ദേശ തെരഞ്ഞെടുപ്പ് പ്രവർത്തനവുമായി ബന്ധപ്പെട്ട തർക്കമായിരുന്ന പ്രതിഷേധത്തിന് കാരണം.
ഗുരുതര അച്ചടക്ക ലംഘനം നടന്നുവെന്ന് കാണിച്ചാണ് പാർട്ടി ഇവർക്കെതിരെ നടപടിയെടുത്തത്.
