കേരളത്തിന് ആശ്വാസം;വൈദ്യുതി നിയന്ത്രണ സാധ്യത മായുന്നു; ഇന്നും നാളെയും പവർ കട്ടിനു സാധ്യത കുറവ്

തിരുവനന്തപുരം : സംസ്ഥാനത്ത് അടുത്ത രണ്ട് ദിവസം വൈദ്യുതി നിയന്ത്രണത്തിന് സാധ്യതയില്ലെന്ന് സൂചന.

കേന്ദ്ര നിലയങ്ങളിൽ നിന്നുള്ള വൈദ്യുതി ലഭ്യത കൂടിയ സാഹചര്യത്തിൽ,

വൈദ്യുതി നിയന്ത്രണം ഒഴിവാക്കാൻ കഴിയുമെന്ന് പ്രതീക്ഷിക്കുന്നതായി കെ എസ് ഇ ബി അറിയിച്ചു.

ഇന്ന് വൈദ്യുതി നിയന്ത്രണമുണ്ടായേക്കില്ല. മധ്യപ്രദേശിൽ നിന്ന് പീക്ക് സമയത്ത് 200

മെഗാവാട്ട് വൈദ്യുതി സ്വാപ് വ്യവസ്ഥയിൽ ലഭ്യമാകുന്നതും റിയൽ ടൈം മാർക്കറ്റിൽ വൈദ്യുതി ലഭ്യമായതുമാണ് കാരണം.

കഴിഞ്ഞ ദിവസങ്ങളിൽ ഉയർന്ന ഉപയോഗം കാരണം ചില പ്രദേശങ്ങളിൽ ഭാഗിക നിയന്ത്രണങ്ങൾ

ഏർപ്പെടുത്തിയിരുന്നുവെങ്കിലും, പുതിയ ക്രമീകരണങ്ങളോടെ വൈദ്യുതി പ്രതിസന്ധി

താൽക്കാലികമായി പരിഹരിക്കാൻ കഴിഞ്ഞതായി കെ.എസ്.ഇ.ബി വൃത്തങ്ങൾ വ്യക്തമാക്കി.