തിരുവനന്തപുരം : ആഭ്യന്തര വകുപ്പിലെ ചില ഉദ്യോഗസ്ഥർക്കെതിരെ രൂക്ഷ വിമർശനവുമായി കെഎസ് ശബരിനാഥൻ. കാപ്പാ കേസില് ജയിലില് കഴിയുന്ന ബിജെപി കൗണ്സിലര് ആര് സുഗതന്റെ അവധി അപേക്ഷയുമായി ബന്ധപ്പെട്ട ആഭ്യന്തര വകുപ്പിന്റെ കത്തിനെതിരെയാണ് കോണ്ഗ്രസ് കൗണ്സിലര് കെഎസ് ശബരീനാഥന് വിമർശനമുന്നയിച്ചത്.
'സായിപ്പിനെ കണ്ടാല് കവാത്ത് മറക്കുന്നത് പോലെ'യുള്ള ഉദ്യോഗസ്ഥര് ഇപ്പോഴും ഉണ്ടെന്നും ഇത്തരക്കാരുടെ ധാര്ഷ്ട്യം അവസാനിപ്പിക്കാന് ഭരണസംവിധാനം ശ്രദ്ധിക്കണമെന്നും ശബരീനാഥന് പറഞ്ഞു. ഇല്ലെങ്കില് പാപഭാരം പാര്ട്ടിയും മുന്നണിയും അനുഭവിക്കേണ്ടി വരുമെന്നും ശബരീനാഥന് മുന്നറിയിപ്പ് നല്കി.
'സുഗതന്റെ അവധിയുമായി ബന്ധപ്പെട്ട ചര്ച്ച നടന്നപ്പോള് ആഭ്യന്തര വകുപ്പുമായി ബന്ധപ്പെട്ട ഉത്തരവ് മേയര് വായിച്ചപ്പോള് അക്ഷരാര്ത്ഥത്തില് ഞെട്ടിപ്പോയി. കൗണ്സില് കഴിഞ്ഞ് നേരെ ആഭ്യന്തര മന്ത്രിയെ കണ്ടപ്പോഴാണ് കാര്യങ്ങള് കൂടുതല് വ്യക്തമായത്. ഇത്രയും വിവാദമായ വിഷയത്തില് അദ്ദേഹത്തിന്റെ ഓഫീസ് പോലും അറിയാതെ വകുപ്പിലെ ഉദ്യോഗസ്ഥര് കൈകാര്യം ചെയ്തു. നിയമത്തിന്റെയും ലോജിക്കിന്റെയും എല്ലാ സീമകളും ലംഘിച്ചുകൊണ്ട് ഉദ്യോഗസ്ഥര് ഇത്തരത്തില് ഒരു ദുര്ബല ഉത്തരവ് ഇറക്കിയത് ആരുടെ പ്രീതിക്കുവേണ്ടിയാണ്?' എന്നും കെഎസ് ശബരീനാഥന് ചോദിച്ചു.
