കോട്ടയം: കെഎസ്ആർടിസി ബസ്സിൽ നിന്ന് 60,000 രൂപയുടെ ടിക്കറ്റുകൾ അടങ്ങിയ ബാഗ് മോഷ്ടിച്ച കേസിൽ പ്രതി അറസ്റ്റിൽ.
തമിഴ്നാട് തേനി ജില്ല, ബോഡിനായ്ക്കന്നൂർ സ്വദേശി മുരുകേശന്റെ മകൻ വിജയ് (29) ആണ് കോട്ടയം വെസ്റ്റ് പോലീസിൻ്റെ പിടിയിലായത്.
ഇയാൾക്കെതിരെ മുൻപും സമാനമായ മോഷണക്കേസുകൾ നിലവിലുണ്ട്. കോട്ടയം ഈസ്റ്റ് പോലീസ് സ്റ്റേഷൻ പരിധിയിൽ 40,000 രൂപയുടെ മൊബൈൽ ഫോൺ കവർച്ച കേസിലും ഇയാൾ പ്രതിയാണ്.
കോട്ടയം വെസ്റ്റ് എസ്എച്ച്ഒ അനൂപ് ജോസിൻ്റെയും എസ് ഐ ഗിരിഷ് കുമാറിൻ്റെയും നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. .
