കോട്ടയം: കെ.എസ്.ആര്.ടി.സി പ്രിയദര്ശിനി ബസ് സമയം തെറ്റിക്കുന്നതു തങ്ങളുടെ വരുമാനം കുറയ്ക്കുന്നുവെന്നു സ്വകാര്യ ബസ് ജീവനക്കാരുടെ പരാതി.
പ്രിയദര്ശനി മുന്നില് പോയാല് തങ്ങളുടെ ബസില് കയറാന് പിന്നെ ആരെയും കിട്ടുന്നില്ലെന്നു ബസ് ഉടമകള് പറയുന്നത്. ഇതു പലയിടങ്ങളിലും വാക്കേറ്റത്തിനു കാരണമാവുന്നുണ്ട്. 500 മുതല് 4000 രൂപയുടെ വരെ നഷ്ടമുണ്ടാകുന്ന ബസുകള് കോട്ടയം ജില്ലയില് ഉണ്ട്. തങ്ങള്ക്കു മുന്നില് കെ.എസ്.ആര്.ടി.സി സര്വീസ് നടത്തുമ്പോള് വരുമാനം നഷ്ടം ഏറുകയാണെന്നു സ്വകാര്യ ബസുകള് പറയുന്നു. തിരക്കു കൂടുതല് ഉള്ള രാവിലെ പോലുള്ള സമയങ്ങളലാണു കെ.എസ്.ആര്.ടി.സി ഇത്തരം ഇരുട്ടടി നല്കുന്നതെന്നും സ്വകാര്യ ബസുകാര് പറയുന്നു.
കഴിഞ്ഞ 15നാണു കെ.എസ്.ആര്.ടി.സി. ഓര്ഡിനറി ബസുകളില് സ്ത്രീകള്ക്കു സൗജന്യ യാത്ര അനുവദിച്ചുകൊണ്ടുള്ള പ്രിയദര്ശിനി പദ്ധതി ആരംഭിച്ചത്. ഓരോ ദിവസം മുന്നോട്ടു പോകുംതോറും പ്രിയദര്ശിനി പദ്ധതി ഹിറ്റായി മാറിയതോടെ സ്വാകാര്യ ബസുകള്ക്കു വന് നഷ്ടത്തിലേക്കു നീങ്ങുകയായിരുന്നു. വരുമാന നഷ്ടമില്ലാത്ത സര്വീസും ഏറെ വരുമാന നഷ്ടമുള്ള സര്വീസുകളുമുണ്ട്. ഒരേ റൂട്ടില് തന്നെ വ്യത്യസ്ത നഷ്ടക്കണക്കുള്ള സര്വീസുകളുമുണ്ട്.
ഈ രീതിയില് മുന്നോട്ടുപോയാല് വ്യവസായം പൂര്ണ തകര്ച്ചയിലേക്കു നീങ്ങുമെന്നതിനാലാണു സമരത്തിലേക്കു നീങ്ങുന്നതെന്നു ബസ് ഉടമകള് പറയുന്നു.ജില്ലയില് 950 സ്വകാര്യ ബസുകളാണു സര്വീസ് നടത്തുന്നത്. ശരാശരി 2000 രൂപയുടെ നഷ്ടം കണക്കാക്കിയാല് പദ്ധതി നടപ്പിലാക്കിയ ശേഷമുള്ള 23 ദിനങ്ങള്ക്കിടെ 4.3 കോടിയുടെ നഷ്ടമുണ്ടായെന്നാണ് ഉടമകളുടെ കണക്ക്.
