കോട്ടയം: യാത്രക്കാരുടെ സുരക്ഷയും സുഗമമായ ഗതാഗതവും ലക്ഷ്യമിട്ട് നടപ്പാക്കിയ പുതിയ പാർക്കിംഗ് ക്രമീകരണവും തിരിച്ചടിയാണെന്ന പരാതി വ്യാപകമാവുന്നു.
തിരക്കിനിടയില് തിങ്ങി ഞെരുങ്ങാനാണ് കോട്ടയം കെ.എസ്.ആർ.ടി.സി സ്റ്റാൻഡിലെത്തുന്ന യാത്രക്കാരുടെ വിധി.
സ്റ്റേഷനിലെ കെട്ടിടത്തിന് അഭിമുഖമായി ബസുകള് പാർക്ക് ചെയ്ത് യാത്രക്കാരെ കയറ്റിയ ശേഷം റിവേഴ്സ് എടുത്ത് പുറത്തേക്ക് പോകുന്ന സംവിധാനമാണ് നിലവിലുള്ളത്. പരിമിതമായ പാർക്കിംഗ് സ്ഥലത്ത് ഒരേസമയം ഏതാനും ബസുകള്ക്ക് മാത്രമേ നിർത്താനാകൂ.
ദീർഘദൂര സർവീസുകള്ക്ക് പാർക്കിംഗ് ലഭിക്കാതെ റണ്വേയില് ബസ് നിർത്തേണ്ടി വരുന്നതും തിരിച്ചിറങ്ങുന്ന ബസുകള്ക്ക് തടസമാണ്.
ബസുകള് റിവേഴ്സ് എടുത്ത് സ്റ്റാൻഡ് വിടേണ്ടി വരുന്നതിലൂടെ മറ്റ് ബസുകള് എത്തുന്നതോടെ സ്റ്റാൻഡിനുള്ളില് ഗതാഗതക്കുരുക്കും അപകടസാദ്ധ്യതയും സൃഷ്ടിക്കുകയാണ്.
