കോട്ടയം: കോട്ടയം കെ.എസ്.ആർ.ടി.സി സ്റ്റാൻഡില് നടപ്പാക്കിയ ബസുകളുടെ പരിഷ്കരണം വിനയാകുന്നതായി പരാതി.
യാത്രക്കാരുടെ സുരക്ഷയും സുഗമമായ ഗതാഗതവും ലക്ഷ്യമിട്ടാണ് പുതിയ പാർക്കിംഗ് ക്രമീകരണം നടപ്പാക്കിയത്. സ്റ്റാൻഡിലെ കെട്ടിടത്തിന് അഭിമുഖമായി ബസുകള് പാർക്ക് ചെയ്ത് യാത്രക്കാരെ കയറ്റിയ ശേഷം റിവേഴ്സ് എടുത്ത് പുറത്തേക്ക് പോകുന്ന സംവിധാനമാണിത്.
ബസുകള് റിവേഴ്സ് എടുക്കുന്ന സമയത്ത് പരിമിതമായ സ്ഥലം സ്വന്തമാക്കാൻ രണ്ടും മൂന്നും ബസുകള് മത്സരിച്ച് എത്തുന്നതോടെ കൂട്ടിയിടി ഭീഷണിയും ഡ്രൈവർമാർ തമ്മിലുള്ള വാക്കേറ്റവും പതിവാണ്.
രാവിലെയും വൈകിട്ടും ആളുകള് ഒന്നിച്ചെത്തുമ്പോള് സ്റ്റാൻഡിനുള്ളില് തിരക്ക് രൂക്ഷമാകുന്നുണ്ട്. പ്രവേശന കവാടത്തിലെ റോഡില് രൂപപ്പെട്ട വലിയ കുഴിയും അപകടഭീഷണി ഉയർത്തുകയാണ്. സ്റ്റാൻഡിലെ കൂടുതല് സ്ഥലം പാർക്കിംഗിനും മറ്റാവശ്യങ്ങള്ക്കുമായി ഉപയോഗപ്പെടുന്നണമെന്നാണ് യാത്രക്കാരുടെ ആവശ്യം.
