കോട്ടയം: സാമൂഹ്യവിരുദ്ധ പ്രവർത്തനങ്ങളിൽ നിരന്തരം ഏർപ്പെട്ടതായി കണ്ടെത്തിയതിനെ തുടർന്ന് തൃക്കൊടിത്താനം പോലീസ് സ്റ്റേഷൻ പരിധിയിൽ താമസിക്കുന്ന സാന്തിയ ബി. (43) ന് കാപ്പ നിയമപ്രകാരം ഒരു വർഷത്തേക്ക് കോട്ടയം ജില്ലയിൽ സഞ്ചാര നിയന്ത്രണം ഏർപ്പെടുത്തി.
പായിപ്പാട് വില്ലേജ്, നാലുകോടി, പുത്തൻകാവ് അമ്പലം ഭാഗം, പുത്തൻപുരക്കൽ വീട്ടിൽ സാന്തിയ ബിക്കെതിരെയാണ് കേരള സാമൂഹ്യവിരുദ്ധ പ്രവർത്തനങ്ങൾ (തടയൽ) നിയമം - കാപ്പ വകുപ്പ് 15(1)(a) പ്രകാരം നടപടിയെടുത്തിരിക്കുന്നത്.
എറണാകുളം റേഞ്ച് ഡെപ്യൂട്ടി പോലീസ് ഇൻസ്പെക്ടർ ജനറൽ 2026 ജൂലൈ 15-ന് പുറപ്പെടുവിച്ച ഉത്തരവ് 2026 ജൂലൈ 17 മുതൽ പ്രാബല്യത്തിൽ വന്നു.
ഉത്തരവ് പ്രകാരം 2026 ജൂലൈ 17 മുതൽ ഒരു വർഷക്കാലത്തേക്ക് മുൻകൂർ അനുമതിയില്ലാതെ സാന്തിയ ബിക്ക് കോട്ടയം ജില്ലാ പോലീസ് മേധാവിയുടെ അധികാരപരിധിയിൽ ഉൾപ്പെടുന്ന പ്രദേശങ്ങളിൽ പ്രവേശിക്കാൻ അനുമതിയില്ല.
ഉത്തരവ് ലംഘിച്ച് ജില്ലയിൽ പ്രവേശിക്കുകയോ നിയമവിരുദ്ധ പ്രവർത്തനങ്ങളിൽ ഏർപ്പെടുകയോ ചെയ്താൽ കാപ്പ നിയമപ്രകാരവും മറ്റ് ബാധകമായ നിയമപ്രകാരവും കർശന നടപടികൾ സ്വീകരിക്കുന്നതാണ്.
