വൈക്കം:വേമ്പനാട്ടുകായലിൽ മത്സ്യസമ്പത്ത് ദിനംപ്രതി കുറയുന്നു.
കായലിൽ മത്സ്യസമ്പത്ത് കുറഞ്ഞതോടെ ഉൾനാടൻ മത്സ്യബന്ധനമേഖലയിൽ പ്രതിസന്ധി രൂക്ഷമാണ്.
കായലിൽ മാലിന്യമടക്കമാണ് പ്രശ്നമെങ്കിൽ പുഴകളിൽ അനധികൃത മത്സ്യവേട്ട വ്യാപകമാണ്.
കരിമീൻ ഉൾപ്പെടെയുള്ള മത്സ്യങ്ങളുടെ ലഭ്യത തീരെ കുറഞ്ഞതോടെ തൊഴിലാളികൾ പണി ഉപേക്ഷിക്കുകയാണ്.
സീസൺ കാലത്തും മത്സ്യലഭ്യത കുറഞ്ഞതാണ് പ്രതിസന്ധി രൂക്ഷമാക്കുന്നത്.
ലഭ്യത കുറഞ്ഞതും ആവശ്യക്കാർ വർദ്ധിച്ചതും
കരിമീനിന്റെ വില കുത്തനെ ഉയരാനും കാരണമായി.
പുഴകളിലും സ്ഥിതി വ്യത്യസ്തമല്ല. നീലവാകയടക്കമുള്ള മത്സ്യങ്ങളെ ആയുധങ്ങൾ കൊണ്ട് എയ്തുപിടിക്കുന്നതടക്കം വ്യാപകമാണ്.
നീലവാക പോലുള്ള മത്സ്യങ്ങളെ വേട്ടയാടുമ്പോൾ കുഞ്ഞുങ്ങൾ മറ്റ് മത്സ്യങ്ങൾക്ക് ഭക്ഷണമാകും.
മത്സ്യ ഇനങ്ങൾ പലതും ഇല്ലാതാവുന്ന സ്ഥിതിയാണ്.
പ്രളയത്തിന് ശേഷം ഓരോ വർഷവും മത്സ്യലഭ്യത കുറഞ്ഞുവരുകയാണ്.
കായലിൽ എക്കൽ അടിഞ്ഞുകൂടി ആഴം കുറഞ്ഞതും മാലിന്യവും മത്സ്യഉത്പാദനത്തെ ബാധിച്ചിട്ടുണ്ട്.
