കോട്ടയം: ജെസിഐ കോട്ടയത്തിന്റെ നേതൃത്വത്തിൽ റബ്ബർ സിറ്റി റൺ നാളെ (ഒക്ടോബർ 11 ) നടക്കും.
ഫുൾ മാരത്തൺ ഉൾപ്പെടെയുള്ള കായികമേളയിൽ ഫുൾ മാരത്തൺ (42.2 കി.മീ.), ഹാഫ് മാരത്തൺ (21.1 കി.മീ.), 10 കിലോമീറ്റർ ഓട്ടം, 3 കിലോമീറ്റർ ഫൺ റൺ എന്നീ വിഭാഗങ്ങളാണുള്ളത്.
മണിപ്പുഴ ലുലു മാളിൽ നിന്ന് മാരത്തോൺ ആരംഭിച്ച് അവിടെ തന്നെ അവസാനിക്കും.
യുവാക്കളെ ലഹരിയിൽനിന്ന് അകറ്റി ആരോഗ്യകരമായ ജീവിതശൈലിയിലേക്ക് നയിക്കുക,
കായികസംസ്കാരം പ്രോത്സാഹിപ്പിക്കുക എന്നീ ലക്ഷ്യങ്ങളോടെയാണ് റബർ സിറ്റി റൺ സംഘടിപ്പിക്കുന്നത്.
സംസ്ഥാന സർക്കാരിന്റെ തൂഫാൻ – നാർക്കോട്ടിക് ഹണ്ട് പദ്ധതിയുമായി സഹകരിച്ചാണ് പരിപാടി നടത്തുന്നത്.
കുട്ടികൾക്കും മുതിർന്നവർക്കും കുടുംബങ്ങൾക്കും സുഹൃത്തുക്കൾക്കും ഒരുപോലെ പങ്കെടുക്കാവുന്ന 3 കിലോമീറ്റർ ഫൺ റൺ പരിപാടിയുടെ പ്രധാന ആകർഷണമാണ്.
വിവിധ മേഖലകളിലെ പ്രമുഖർ, രാഷ്ട്രീയ-സാമൂഹിക രംഗത്തെ നേതാക്കൾ, കായികതാരങ്ങൾ, സെലിബ്രിറ്റികൾ, പൊതുജനങ്ങൾ എന്നിവരുടെ പങ്കാളിത്തം പരിപാടിക്ക് മാറ്റുകൂട്ടും.
കോട്ടയത്തിന്റെ കായികചരിത്രത്തിൽ പുതിയ അധ്യായം കുറിക്കുന്ന ഒരു ഫിറ്റ്നസ് ഫെസിറ്റിവൽ ആയിരിക്കും റബ്ബർ സിറ്റി റൺ 2026 എന്ന് സംഘടകർ അറിയിച്ചു.
