തിരുവനന്തപുരം: ശ്രീചിത്ര പുവർ ഹോമില് നിന്ന് കാണാതായ പെണ്കുട്ടികളെ കണ്ടെത്തി. കിളിമാനൂരുള്ള വീട്ടില് നിന്ന് ഇന്ന് പുലർച്ചെയാണ് കുട്ടികളെ വഞ്ചിയൂർ പൊലീസ് കണ്ടെത്തിയത്.
വിശദമായ മൊഴിയെടുക്കലിന് ശേഷമേ കുട്ടികള് ഇറങ്ങിപ്പോകാനുള്ള കാരണം വ്യക്തമാകുകയുള്ളു. കുട്ടികളെ വൈദ്യപരിശോധനയ്ക്ക് ശേഷം മജിസ്ട്രേറ്റിന് മുന്നില് ഹാജരാക്കും.
ഇന്നലെ വൈകിട്ടോടെയാണ് കിളിമാനൂർ, പേട്ട സ്വദേശിനികളായ പതിനാലും പതിനാറും വയസുള്ള രണ്ട് പെണ്കുട്ടികള് ഇറങ്ങിപ്പോയത്. വൈകിട്ട് പുറത്തേക്ക് പോയ പെണ്കുട്ടികള് മടങ്ങിയെത്താത്തിനെ തുടർന്ന് ശ്രീചിത്ര പുവർ ഹോം അധികൃതർ വഞ്ചിയൂർ പൊലീസിനെ വിവരം അറിയിക്കുകയായിരുന്നു.
