തിരുവനന്തപുരം: കിഫ്ബി വഴി കണ്ണൂരില്‍ ഭൂമി ഏറ്റെടുക്കാൻ അടിയന്തര നടപടി വേണമെന്ന് അഭിപ്രായപ്പെട്ടത് മുന്‍ മുഖ്യമന്ത്രി പിണറായി വിജയനെന്ന് വിവരം.
വ്യവസായ വികസനത്തിന് ഭൂമി ഏറ്റെടുക്കാല്‍ അനിവാര്യമെന്ന് പിണറായി അഭിപ്രായം രേഖപ്പെടുത്തിയ ബോർഡ് യോഗത്തിന്റെ രേഖ പുറത്ത് വന്നു.
കിഫ്ബി സിഇഒയുമായുള്ള യോഗത്തിലാണ്. പിണറായി പദ്ധതിയുടെ ആവശ്യകത ഊന്നിപ്പറഞ്ഞത്. പിണറായിയുടെ അഭിപ്രായം രേഖപെടുത്തിയ കിഫ്ബി ബോർഡ് രേഖയാണ് പുറത്തുവന്നത്. കിൻഫ്രയുടെ കുറിപ്പിലാണ് ഭൂമിക്ക് വില ഇട്ടത്.
കിഫ്ബിയില്‍ കണ്ണൂരില്‍ ഏക്കറുകണക്കിന് ഭൂമി ഏറ്റെടുത്തതില്‍ ഗുരുതരമായ ക്രമക്കേട് ഉണ്ടെന്ന് മുൻ ഫിനാൻസ് സെക്രട്ടറി സുധാ പിള്ള അധ്യക്ഷയായ സമിതിയുടെ റിപ്പോർട്ടില്‍ പറഞ്ഞിരുന്നു.
ഏറെ വിവാദമായ കണ്ണൂരിലെ ഈ ഭൂമി അടിയന്തരമായി ഏറ്റെടുക്കണമെന്ന് കിഫ്ബി സിഇഒയുമായുള്ള യോഗത്തില്‍ നിർദേശിച്ചത് മുൻ മുഖ്യമന്ത്രി പിണറായി വിജയനാണെന്ന് വ്യക്തമാക്കുന്ന രേഖകള്‍ ലഭിച്ചു. വ്യവസായ വികസനത്തിന് ഇത് അത്യാവശ്യമാണെന്നാണ് പിണറായി ഊന്നിപ്പറഞ്ഞത്.
കണ്ണൂരില്‍ ഏക്കറിന് 2.5 കോടിയും പാലക്കാട് ഏക്കറിന് 1 കോടിയും നിശ്ചയിച്ചത് കിൻഫ്രയാണ് എന്നാണ് പുറത്ത് വരുന്ന വിവരം. അഞ്ചിരട്ടി തുക നല്‍കിയുള്ള ഏറ്റെടുക്കല്‍ ദുരൂഹത എന്നായിരുന്നു വിദഗ്ധ സമിതി വിലയിരുത്തല്‍.
അതേസമയം, അഞ്ചിരട്ടി വില കൊടുത്ത്, വ്യവസായ അത്യാവശ്യമെന്ന് പറഞ്ഞ് വാങ്ങിയ കാണൂരിലെ ഭൂമിയില്‍ ഇതുവരെ ഒന്നും നടന്നിട്ടില്ല.
